1Sam 4:11 - ÎVUKU RÎA ÛVORO MWARO

¹¹ Narîo îthandûkû rîa Kîrîkanîro rîa Ngai nîrîatavîrûe; nao anake a Eli oîrî, Hofini na Finehasi makîûragwa.

1Sam 4:11 ပူးပေါင်းရင်းမြစ်များ

Thaburi 78:56

Nwatî andû a Isiraeli nîmaareganire na Ngai mwene vinya wonthe, na makîmûgeria. Nîmaaregire kwathîkîra maathani make,

Thaburi 78:64

Athînjîri-Ngai ao nîmaaûragîrwe mbaararî, na aka ao a ndigwa matiamacakaîra.

Isaia 3:11

Nwatî kaî andû arîa aganu marî na thîna-î, Nîûndû maûndû marîa mekîte andû arîa engî nwamo mageekwa.

Jeremia 7:12

Thiîni wa rîu Shilo, kûrîa nathuurîte mbererî ngocagîrwe kuo na mwone ûrîa nagûcûkangirie nîûndû wa waganu wa andû akwa a Isiraeli.

1Sam 2:31

Tathikîrîria, vingo nîgûkinya rîrîa ngaaûraga andû ethî onthe a mûciî waku wana a mûvîrîga wenyu, na gûtîkeethîrwa kûrî na mûndû wanarî ûmwe mûkûrû gatagatîrî ka andû a mûciî waku.

1Sam 2:32

We nîûkaathînîka na wîgue wîru nîûndû wa irathimo irîa ngaarathima andû acio engî a Isiraeli nacio, na gûtirî mûndû mûkûrû ûkooneka gatagatîrî ka andû a mûciî waku tene na tene.

1Sam 2:34

Naguo ûndû ûrîa ûgeekîka kûrî anake aku oîrî, Hofini na Finehasi nîguo ûgaatuîka kîmenyithia kûrî we atî, maûndû monthe marîa mbugîte nîmakaavinga. Naguo nî atî, anake aku wa oîrî magaakua mûthenya ûmwe.

1Sam 3:12

Mûthenya ûcio nîrîo ngaavingia maûndû monthe marîa naririe megiî Eli na andû a mûciî wake, kuuma Kîammbîrîria nginya mûthiia.

1Sam 4:21

Nake nîwatuîrîre kaana kau rîîtwa Ikabodi. Vîndî wa îo nîwataarîrie na akiuga atîrî, “Riiri wa Ngai nîûthengutîte Isiraeli.” Oorotaga gûtavwa kwa îthandûkû rîa Kîrîkanîro rîa Ngai vamwe na gîkuû Kîam îthe wa mûthuuriwe marî na mûthuuriwe.