1Sam 31:1 - ÎVUKU RÎA ÛVORO MWARO

¹ Afilisiti nîmaarûîre na Aisiraeli Kîrîmarî Kîam Giliboa. Andû eengî mûno a Isiraeli nîmaaûragîrwe kuo. Nao andû acio engî wa vamwe na mûthamaki Saûlo na anake ake nîmaaûrire.

1Sam 31:1 ပူးပေါင်းရင်းမြစ်များ

2Sam 1:21

“Mbura îrorega kuura kana îme rîgwa irîmarî cia Giliboa. Mîgûnda ya irîma icio îrotûûra îrî mîthaatu vîndî cionthe. Nîûndû kûu nîkuo ngo ya ûrîa ûrarî vinya îraikirue ta kîndû kîmene; Ngo ya Saûlo ndîkaavakwa maguta rîngî.

2Sam 1:6

Mwanake ûcio nîwacokerie Daudi atîrî, “Nie naarî vau kîrîmarî gîa Giliboa na nînoonire Saûlo anyitîte îtumû rîake. Nacio ikaari cia mbarathi na athigari arîa mathiîcaga matûîte mbarathi cia nthû, ciathiîte imûrûmîrîrîte na îvenya.

2Sam 4:4

Jonathani mûvîcî wa Saûlo aarî na mûvîcî wetagwa Mefiboshethu. Mefiboshethu aarî na ûkûrû wa mîaka îtano rîrîa Saûlo na Jonathani maaûragirwe. Rîrîa ûvoro wîgiî kûûragwa kwao wakinyire kuuma îtûûra rîa Jezireeli, mûndûmûka ûrîa wareraga Mefiboshethu nîwamwocire na akîûra nake. Nwatî nîûndû wa ûrîa aavinyûrîte, nîwamûgwîthirie na agîtuîka kîonje.

1Sam 12:25

Nwatî ethîrwa nîmûkûthiî na mbere gwîka maûndû ma wîvia, mue mûkaathirua wa vamwe na mûthamaki wenyu.”

1Sam 28:1

Vuva wa ûguo, Afilisiti nîmaaûnganirie athigari ao a mbaara nîguo makarûe na Aisiraeli. Nake Akishi nîwerire Daudi atîrî, “We nîwicî waro atî, we mûrî na andû aku nîmûrûa mûrî mwena wakwa.”

1Sam 28:15

Nake Samueli nîwaûririe Saûlo atîrî, “Ûranthînia nîkî na njîra ya gûtûma mbûke gûkû?” Nake Saûlo nîwacokirie atîrî, “Nie nînîrathînîka mûno, nîûndû Afilisiti nîmararûa nanie, na Ngai nîandiganîrîtie. Ke ndaranjokeria ûndû wanarî ûrîkû na njîra ya arathi kana ya iroto. Kwoguo nagwîta nîguo ûmbîre ûrîa mbagîrîrwe nî gwîka.”

1Sam 28:19

Ngai-Mûnene nîagaakûrekereria we vamwe na Aisiraeli kûrî Afilisiti. We mûrî na anake aku mûkethîrwa mûrî vamwe nanie rûyû. Ngai-Mûnene nîakaarekereria athigari a Isiraeli wanao kûrî Afilisiti.”

1Sam 28:4

Athigari a Afilisiti nîmaûnganire na makîamba magema mao îtûûrarî rîa Shunemu. Nake Saûlo nîwaûnganirie Aisiraeli na makîamba magema mao kîrîmarî Kîam Giliboa.

1Sam 29:1

Afilisiti nîmaaûnganirie athigari ao a mbaara vamwe kûu Afeku, nao Aisiraeli makîamba magema mao vakuvî na kîthima kîrîa Kîamrî Kîamndarî Kîam Jezireeli.