1Sam 30:7 - ÎVUKU RÎA ÛVORO MWARO

⁷ Nake Daudi nîwerire mûthînjîri-Ngai Abiatharu mûvîcî wa Ahimeleku atîrî, “Ta ndetera efodi.” Nake Abiatharu nîwavirîre Daudi efodi.

1Sam 30:7 ပူးပေါင်းရင်းမြစ်များ

1Atha 2:26

Mûthamaki Solomoni nîwacokire akîra mûthînjîri-Ngai Abiatharu atîrî, “Thiî vûrûrirî waku wa Anathothi. We wagîrîrwe nî gûkua, nwatî rîu tîngûûraga nîûndû nîwe wamenyagîrîra îthandûkû rîa kîrîkanîro Kîam Ngai-Mûnene rîrîa mwarî na vava Daudi, na nîwanyitanîrîte nake mathînarî make.”

Ntha 28:6

“Nîmagaatuma efodi ya gîtambaa kîrîa Kîamro Kîam ndigi cia rangi wa vururu, njambarawe na ndune na cia thaavu îgemetue waro

Maariko 2:26

Aatonyire nyombarî ya Ngai vîndî îrîa Abiatha aarî Mûthînjîri-Ngai mûnene, na akîrîa mîgate îrîa yarutîrîtwe Ngai na îtaagîrîrwe kûrîwa nî mûndû wîngî tiga athînjîri-Ngai onga. Daudi nîwamîrîre na akîva arîa engî maarî nake.”

1Sam 10:22

Kwoguo nîmaaûririe Ngai-Mûnene atîrî, “Nî kûrî na mûndû wîngî ûtarî ava?” Nake Ngai-Mûnene nîwacokirie na akiuga atîrî, “Taroria, Saûlo ethithîte kûrîa mîrigo igagwa.”

1Sam 14:18

Nake Saûlo nîwerire Ahija, ûrîa mûthînjîri-Ngai atîrî, “Rete îthandûkû rîa Kîrîkanîro rîa Ngai ava.” (Mûthenya ûcio, Ahija aathiîte arîkuîte arî mbere ya andû a Isiraeli.)

1Sam 14:19

Na vîndî îrîa Saûlo aaragia na Ahija, kîvîngîcî gîkîthiî na mbere kwongerereka kûu Afilisiti maatûûraga. Nake Saûlo nîwerire Ahija atîrî, “Tiga kûmathaithanîra kûrî Ngai-Mûnene rîngî!”