1Sam 30:21 - ÎVUKU RÎA ÛVORO MWARO

²¹ Daudi nîwacokire akîthiî kûrî andû arîa magana maîrî arîa maarî anogu na maaremirwe nî kûmûrûmîrîra na maatigîtwe karûnjîrî ka Besori. Andû acio nîmaathiîre gûtûnga Daudi na andû ake, nake Daudi nîwamakuvîvîrie na akîmakethia akenete mûno.

1Sam 30:21 ပူးပေါင်းရင်းမြစ်များ

Ahib 13:1

Endanagani mûndû na ûrîa wîngî ta ariû na aarî a îthe wetû.

1Pet 3:8

Mûthiiarî nîramwîra atî, nwanginya muonthe mûnyitanagîre meciriarî menyu na mûcaanagîre. Endanagani ta ciana cia ng'ina ûmwe na mwîgucanagîre ntha na mwînyivanagîrie.

Atir 8:15

Gideoni nîwathiîre kûrî andû a Sukothu na akîmeera atîrî, “Taririkanani rîrîa mwaregire kûva andû akwa irio rîrîa maathirîte vinya, na mûkînyûrûria mûkîmbîîra atî ndiarî mûtavu Zeba na Zalimuna. Rîu nîo aya!”

1Sam 17:18

Na ûvirîre mûnene wa athigari icunjî îkûmi cia maguta ma îriia. Thiî na ûtuîrie ûrîa aa mûrwanyûkwe mekariî na ûke na kîndû gîa kwonania atî nîwamoonire na atî o nî aro.”

1Sam 17:22

Daudi nîwatigire irio irîa aakuuîte kûrî mûndû ûrîa wamenyagîrîra irio cionthe, akîvinyûra na kûrîa mbaara yarûagîrwa na agîkethia aa mûrwang'ina.

1Sam 30:10

Nwatî Daudi nîwathiîre na mbere kûmarûmîrîria marî na andû magana mana. Andû acio engî nîmaatigirwe nîûndû maarî anogu mûno matingîavotire kûringa karûnjî kau.

1Sam 30:22

Nwatî andû amwe maarî athunu na mataarî na vata gatagatîrî ka andû arîa maathiîte na Daudi nîmaaugire atîrî, “Tûtiathiî nao, kwoguo tûtikûmava kîndû wanarî kîmwe Kîam irîa tûtavîte. Nîmoce aka ao na ciana na menûke.”