1Sam 30:16 - ÎVUKU RÎA ÛVORO MWARO

¹⁶ Nake nîwavirire Daudi kûrîa gîkundi kîu Kîamrî. Nao athigari acio a Amaleki maanyagarûkîte kûu kuonthe, makîrîcaga, makînyunyaga na makinaga, nîûndû indo irîa maatavîte kuuma vûrûrirî wa Afilisiti na wa Juda ciarî nyîngî mûno.

1Sam 30:16 ပူးပေါင်းရင်းမြစ်များ

2Sam 13:28

na akîatha ndungata ciake agîciîra atîrî, “Tuîriani mûmenye waro vîndî îrîa Amunoni agaatuîka mûrîu, na rîrîa ngaamwîra mûmûrage, mûgeka guo. Mûtigetigîre nîûndû nînie ngaûrua nwatî tî mue. Îyûmîrîrieni na mûgîe na ûcamba!”

1Maû 4:43

Nao nîmaaûragire Amaleki arîa maatigarîte na maaûrîte na nîkuo matûûraga nginya ûmûnthî.

Ayubu 20:5

atî ûcamba wa mûndû mwaganu nîwa kavunda kanini, na gîkeno Kîam mûndû ûtaicî Ngai kîthiraga narua.

Thaburi 119:162

Nîngenaga nî kiugo gîaku, ta mûndû wîtavîrîte ûtonga mwîngî.

Ntha 32:6

Kîraûko tene mûthenya ûcio wîngî andû nîmaarutire matega ma kûvîvua, na matega ma thayû. Nîmaacokire magîkara nthî makîrîa na makînyua. Nîmaarûngamire na makîambîrîria kwîinia makinaga nyîmbo cia waga nthoni.

Isaia 22:13

Vandû va ûguo, mwakenire na mûgîkûngûîra, nîmwathînjire ndegwa na ng'ondu, mûkîrîa nyama na mûkînyua ndivei. Nîmwaugire atîrî, “Tiga tûrîe na tûnyue, nîûndû rûyû nîtûgaakua.”

Isaia 9:3

We Ngai-Mûnene, nîûtûmîte rûrîrî rûongerereke, nîûtûmîte rûgîe na gîkeno kînene. Nîmaracanjamûka marî mbere yaku, marî na gîkeno ta vîndî ya maketha, ta ûrîa andû makenaga rîrîa maragaana indo irîa matavîte.

1Ath 5:3

Rîrîa andû makeethîrwa makiugaga, “Tûrî na thayû na tûrî agitîre,” nîmagaacûkangua wa rîmwe wata ûrûrû ûrîa ûkaga kûrî mûndûmûka agîciara. Andû matikaavota kûra.

Josh 22:8

nîwamerire atîrî, “Nîmûcoka kwenyu mîciî mûrî atongu mûno. Nîmûthiî na ndîthia nene, sîlûva, thaavu, gîcango, cuuma na nguo nyîngî. Mwakinya mûkagaana na andû enyu indo icio mwatavire kuuma kûrî nthû cienyu.”

Atir 8:11

Gideoni nîwathiîrîre njîrarî ya andû arîa matûûraga magemarî, erekerete mwena wa îrathîro wa Noba na Jogibeha na akîtharîkîra athigari acio a mbaara wa rîmwe matakûmenya.

1Sam 30:14

Nîtwatharîkîrîte vûrûri wa Akerethi ûrîa ûrî mwena wa îveti wa Juda, wana vûrûri wa mûvîrîga wa Kalebu, na tûkîvîvia Zikilagi na mwaki.”

1Sam 30:15

Daudi nîwamûririe atîrî, “Nîûkûmvira kûrî gîkundi kîu?” Nake Mûmisiri nîwacokirie atîrî, “nîngûmûvira ethîrwa nîkûmbîrîra na rîîtwa rîa Ngai atî ndûkûmbûraga kana ûnenganîra kûrî mwathi wakwa.”