1Sam 3:19 - ÎVUKU RÎA ÛVORO MWARO

¹⁹ Nake Samueli nîwakûrire arî ûrûmwe na Ngai-Mûnene; nake Ngai-Mûnene agîtûma maûndû monthe marîa Samueli aarîtie mavinge.

1Sam 3:19 ပူးပေါင်းရင်းမြစ်များ

Kîam 21:22

Vîndî wa îo Abimeleki na Fikoli mûnene wa athigari nîmaathiîre kûrî Iburahimu na makîmwîra atîrî, “Ngai ethagîrwa arî vamwe nawe maûndûrî monthe marîa wîkaga.

Kîam 28:15

Ririkana atî kûrîa kuonthe ûkaathiî, ngethagîrwa nîrî vamwe nawe na ngaakûgitagîra na ngûcokie vûrûrirî ûyû. Nie ndigaagûtiganîria nginya rîrîa ngaavingia maûndû monthe marîa nakwîrîra.”

Kîam 39:2

Ngai-Mûnene aarî vamwe na Josefu, na nîwatûmire ûtûûro wake wagîre. Josefu eekaraga nyomba kwa mwathi wake Mûmisiri.

Kîam 39:3

Mwathi wake nîwonire atî Ngai-Mûnene aarî vamwe na Josefu na nîwatûmaga athatûkwe maûndûrî monthe marîa eekaga.

1Atha 8:56

“Ngai-Mûnene arokumua, ûcio ûveete andû ake a Isiraeli thayû wata ûrîa aameerîre. Nîavingîtie ciîranîro ciake cionthe mbaro irîa eeranîre na njîra ya ndungata yake Musa.

2Atha 10:10

Ûguo nî kwonania atî maûndû monthe marîa Ngai-Mûnene aaririe megiî njiarwa cia Ahabu nîmavingu. Ngai-Mûnene ekîte ûrîa aaugire na njîra ya ndungata yake Elija.”

2Atha 15:12

Ûguo nîguo kîîranîro Kîamvingire kîrîa Ngai-Mûnene eerîre Jehu rîrîa aamwîrire atîrî, “Njiarwa ciaku nîigekarîra gîtî Kîam ûthamaki Kîam Isiraeli nginya rûciaro rwa kana.”

2Atha 22:16

Ngai-Mûnene augîte atîrî, “Nîngûretithîria kûndû gûkû na andû arîa matûûraga kuo maûndû macûku, wata ûrîa îvuku riugîte rîrîa mûthamaki wa Juda athoma.

Isaia 43:2

Rîrîa mûkûvîtûkîrîra manjîrî ngethagîrwa nîrî vamwe namue; na mûkîvîtûkîrîra nyûnjîrî itikaamûkîria vinya. Rîrîa mûkavîtûkîrîra mwakirî mûtikaavîa, na rûrîrîmbî rûtikaamûvîvia.

Isaia 44:26

Nînie mbîkagîra ciugo cia ndungata yakwa vinya, na ngavingia mataaro ma anjaama akwa. Nînie mbîraga Jerusalemu atî andû nîmagaatûûra kuo rîngî, namo matûûra ma Juda nîmagaatumwa rîngî, na nîngaatuma rîngî matûûra ma kuo marîa macûkangu.

Isaia 55:11

nwaguo ciugo irîa mbaragia ikeethîrwa ciîkariî; itikaanjokerera wa ûguo mana, nwatî nîikaavingia wîra wakwa, na irute wîra ûrîa naaitûmire.

Mathaayo 1:23

“Taroriani mwîrîtu nthingi nîakaagîa îvu, na aciare mwana wa kavîcî, ûrîa ûgeetwa Imanueli” (narîo rîîtwa rîîrî rîgîtaûrwa nî kuga “Ngai arî vamwe na tue”).

Luka 1:28

Mûraika ûcio nîwathiîre kûrî Mariamu na akîmûkethia atîrî, “Wî mwaro? We wî mûrathime mûno! Mwathani arî vamwe nawe!”

Luka 1:80

Nake mwana ûcio nîwakûrire na roho wake ûkîgîa na vinya. Eekarire werûrî nginya mûthenya ûrîa eyonanithirie kûrî andû a Isiraeli.

Luka 2:40

Nake mwana ûcio nîwakûrire na akîgîa na vinya; na nîwecûrîtwe nî ûûgî na wega wa Ngai warî îgûrû rîake.

Luka 2:52

Nake Jesû nîwakûrire arî na ûûgî na vinya wa mwîrî na akîendagwa nî Ngai wa vamwe na andû.

2Akor 13:11

Mûthiiarî ariû na aarî a Vava, tigwani na waro. Thondekani mîkarîre yenyu, athîkagîrani ûrîa mbugîte. Îgucanagani mûndû na ûrîa wîngî, îkaragani na thayû. Nake Ngai ûrîa ûvecanaga wendani na thayû akethagîrwa namue.

Gûco 18:22

Ethîrwa mûrathi nwa auge ûndû na njîra ya rîîtwa rîa Ngai-Mûnene, na ûndû ûcio ûrege kûvinga, kana wîthîrwe tî wa ma, mûkaamenya waro atî ûndû ûcio nduumîte kûrî Ngai-Mûnene. Mûrathi ûcio arîtie maûndû make na mûtikamwîtigîre.

2Tim 4:22

Nî mwakethua nî Eubulu, Pundeni, Linaisi Kilaudia na ariû na aarî a îthe wetû. Mwathani nîekare nawe. Wega wa Ngai ûrekara namue.

Josh 21:45

Nacio ciîranîro cionthe mbaro irîa Ngai-Mûnene eerîrîte andû a Isiraeli nîciavingirue cionthe.

Atir 13:24

Mûndûmûka ûcio nîwaciarire kavîcî agîgatuîra rîîtwa Samusoni. Kavîcî kau nîgaakûrire na Ngai-Mûnene nîwakarathimire.

1Sam 10:7

Vîndî îrîa maûndû mama magekîka, we ûgeka wa ûrîa ûkona kwagîrîrîte nîûndû Ngai arî vamwe nawe.

1Sam 12:2

na rîu mûrî nake amûtongoretie. Rîu nie nîrî mûkûrû na njuîrî ciakwa irî na mbuî, nao anake akwa marî vamwe namue. Nie ndûîre nîrî mûtongoria wenyu kuuma nîrî mwanake nginya ûmûnthî.

1Sam 16:18

Ûmwe wa ndungata ciake nîwaugire atîrî, “Jesii ûrîa wa îtûûra rîa Bethilehemu arî na mûvîcî wicî kûthaka waro. Ke nî mûndû mûmîrîru na mûthaka, na nî mûthigari mwaro na nî mwaria waro, na Ngai-Mûnene arî vamwe nake.”

1Sam 18:12

Saûlo nîwetigagîra Daudi nîûndû Ngai-Mûnene aarî vamwe na Daudi, nwatî agatiganîria Saûlo.

1Sam 18:14

na nîwavootanaga maûndûrî marîa monthe eekaga, nîûndû Ngai-Mûnene aarî vamwe nake.

1Sam 18:5

Daudi nîwavootanaga kûrîa kuonthe Saûlo aamûtûmaga, na nîûndû wa ûguo Saûlo nîwamûtuire mûnene wa athigari ake. Ûndû ûyû nîwakenirie andû onthe wana ndungata cia Saûlo.

1Sam 2:21

Nake Ngai-Mûnene nîwarathimire Hana na anake engî athatû na erîtu aîrî. Nake Samueli nîwakûrire agîtungatagîra Ngai-Mûnene.

1Sam 2:26

Nake Samueli nîwathiîre na mbere gûkûra akîendagwa nî Ngai-Mûnene wana andû.

1Sam 9:6

Nwatî ndungata îo nîyerire Saûlo atîrî, “Tamba ûtige! Gûkû îtûûrarî rîîrî kwîthagîrwa kûrî na mûndû wa Ngai. Mûndû ûcio ethagîrwa arî mûtîîku mûno nîûndû maûndû monthe marîa augaga nîmatuîkîkaga. Tiga tûthiî kûrî ke, na avota gûtwîra kûrîa tûngîona mvunda icio.”