1Sam 3:15 - ÎVUKU RÎA ÛVORO MWARO

¹⁵ Samueli nîwathiîre na mbere kûmama nginya kîraûko; agîcoka akîramûka na akîvingûra mîrango ya nyomba ya Ngai-Mûnene. Nake nîwetigagîra kûmenyithia Eli ûvoro wîgiî kîoneki kîu.

1Sam 3:15 ပူးပေါင်းရင်းမြစ်များ

1Maû 15:23

Berekia, Elikana, marî vamwe na Obedi-edomu na Jehia, maarî arangîri a îthandûkû rîa Kîrîkanîro.

Malaki 1:10

Ngai-Mûnene mwene vinya wonthe arauga atîrî, “Narî kethîrwa nwa kwoneke mûndû gatagatîrî kenyu ûngîvinga mîrango ya hekarû, nîguo mûtigakie mwaki wa mana metharî yakwa ya kîgongoona! Nie ndikenagua nîmue na ndikaamûkîra matega menyu;

Ndari 12:6

Ngai-Mûnene, nîwamerire atîrî, “Tanthikîrîriani! Rîrîa kûrî na arathi gatagatîrî kenyu, nie nîîmenyithanagia kûrî o na njîra ya cioneki na ngamarîria na njîra ya iroto.

1Sam 1:9

Vîndî îmwe, marîkia kûrîa irio wana kûnyua marî nyombarî ya Ngai-Mûnene kûu Shilo, Hana nîwarûngamire. Vîndî îo Eli mûthînjîri-Ngai eekarîte nthî vakuvî na mûrango wa hekarû ya Ngai-Mûnene.

1Sam 3:10

Nake Ngai-Mûnene nîwaûkire na akîrûngama vakuvî na varîa Samueli aamamîte na agîtana wata ûrîa eetanaga mbererî, na akiuga atîrî, “Samueli! Samueli!” Nake Samueli agîcokia na akiuga atîrî, “Aria, nîûndû ndungata yaku nîîthikîrîrîtie.”

1Sam 3:16

Nwatî Eli nîwetire Samueli na akiuga atîrî, “Samueli, mûûriû wakwa!” Nake Samueli agîcokia na akiuga atîrî, “Îî nie nîrî ava.”