1Sam 3:14 - ÎVUKU RÎA ÛVORO MWARO

¹⁴ Kwoguo nie nînîîvîtîte nîûndû wa andû a mûciî wa Eli ngauga, atî wîvia ûyû wîkîtwe nî andû a mûciî wa Eli ndûkaavota kûtherua nî kîgongoona wana kana îtega tene na tene.”

1Sam 3:14 ပူးပေါင်းရင်းမြစ်များ

Thaburi 51:16

We ndûkenagua nî magongoona, kethîrwa nîûkenagua nîmo, nîngîakûrutîra; we ndûkenagua nî matega ma kûvîvua.

Isaia 22:14

Ngai-Mûnene mwene vinya wonthe nîwanguûrîrie akîmbîra atîrî, “Nama, mûtikoverwa wîvia ûyû nginya rîrîa mûgaakua.” Ûguo nîguo Ngai-Mûnene mwene vinya wonthe augîte.

Jeremia 15:1

Ngai-Mûnene nîwacokire akîmbîra atîrî, “Wana Musa na Samueli mangîrûngama mbere yakwa, nie ndingîguîra andû aya ntha. Meere mathiî maume mbere yakwa.

Jeremia 7:16

Ngai-Mûnene augîte atîrî, “We Jeremia, ndûkavoere andû aya, kana ûrîre ûkînthaitha nîûndû wa andû aya, nîûndû tîngûthikîrîria.

Ezek 24:13

Ciîko ciaku cia ûmaramari we Jerusalemu nîcio ikûgwatîtie mûgiro. Nageririe gûkûtheria ûkîrema. Kwoguo nîwîkara ûtarî mûtheru nginya rîrîa ûkegua ûrito wa marakara makwa.

Alawi 15:31

“Ngai-Mûnene nîwerire Musa akaanie andû a Isiraeli gûkuvîvîria îgema rîa Ngai-Mûnene rîrîa rîarî gatagatîrî kao vîndî îrîa matarî atheru, nîûndû meka ûguo nîmagaakua nîûndû wa kûgwatia îgema rîa Ngai-Mûnene gîko.”

1Sam 2:25

Angîthîrwa mûndû nwa avîtîrie mûndû ûrîa wîngî, Ngai nîke ûngîmeguithania. Nwatî mûndû angîvîtîria Ngai-Mûnene, nî ûrîkû vi ûngîmûthaithanîrîra?” Nao nîmaaregire kûthikîrîria ûrîa meeragwa nî îthe, nîûndû Ngai-Mûnene nîwatuîte atî nîakûmaûraga.