1Sam 28:3 - ÎVUKU RÎA ÛVORO MWARO

³ Vîndî îo Samueli aarî mûkuû, na andû onthe a Isiraeli makamûrîrîre na makamûthika îtûûrarî rîake rîa Rama. Nake Saûlo nîwavinyûrîtie ago onthe na oni maûndû makauma Isiraeli.

1Sam 28:3 ပူးပေါင်းရင်းမြစ်များ

Ntha 22:17

Nwatî îthe wa mwîrîtu angîrega gwîtîkîra mûndû ûcio amûvikie, mûndû ûcio nîakaarîva îthe wa mwîrîtu mbeca ciîganîte rûracio rûrîa rûrutagwa nîûndû wa mwîrîtu nthingi.

Ntha 22:18

“Mûtikareke mûndûmûka mûrogi atûûra mwoyo.

Alawi 19:31

“Mûtikathiî kûria ûtethio kûrî ago kana oni maûndû. Mweka ûguo, nî mûkaagwatua mîgiro nî o. Nie nînie Ngai-Mûnene, Ngai wenyu.

Alawi 20:27

“Mûndûmûrûme kana mûndûmûka wa wonthe mûndûmûgo kana mûrogi nîakaaûragwa na mathiga. Ikuû cia andû acio ikaaumana na ciîko ciao o ene.”

Alawi 20:6

“Mûndû angîkaathiî kûria ûtethio kûrî ago na oni maûndû na arege kwîthîrwa arî mwîvokeku kûrî nie, nî ngaamûverithia na nîmwamûranie na andû akwa.

1Sam 15:23

Kûregana na Ngai-Mûnene kwîganene na wîvia wa ûragûri, naruo rûng'athio nî wîvia wîganene na wîvia wa kûvoya mûvuanano. Nîûndû nîwaregire gwîka ûrîa Ngai-Mûnene aakwîrire wîke, wanake nîaregete ûtuîka mûthamaki.”

1Sam 25:1

Rîrîa Samueli aakwire, Aisiraeli onthe nîmaaûnganire vamwe na makîmûcakaîra. Nîmaacokire makîmûthika gwake mûciî kûu Rama. Vuva wa ûguo, Daudi nîwathiîre werûrî wa Parani.

1Sam 28:9

Nake mûndûmûka ûcio nîwaugire atîrî, “Nama we nîwîcî ûrîa mûthamaki Saûlo ekîte, ûrîa avinyûrîtie ago na arogi makauma Isiraeli. Ûrageria kûnyitithia nîkî nîguo mbûragwe?”

1Sam 7:17

Nake nîwacokaga akenûka mûciî gwake kûu Rama. Na arî kûu Rama, nîwatucagîra andû a Aisiraeli ciira arî na waragania na agîtumîra Ngai-Mûnene metha ya kûrutîra kîgongoona kuo.