1Sam 28:23 - ÎVUKU RÎA ÛVORO MWARO

²³ Saûlo nîwaregire na akiuga ndakûrîa wanarî kîndû. Nwatî ndungata ciake vamwe na mûndûmûka ûcio nîmaamûringîrîrie arîe nginya agîtîkîra. Nîwaûkîrire kuuma nthî na agîkarîra gîtanda.

1Sam 28:23 ပူးပေါင်းရင်းမြစ်များ

1Atha 21:4

Ahabu nîwathiîre mûciî gwake arî mûrakaru na ûthû mwîngî nîûndû wa ûrîa Nabothi aamwîrîte, atî tîamûnengera mûgûnda wa mîthabivû nîûndû aaûgaire kuuma kûrî methe make. Ahabu nîwamamire ûrîrîrî wake erekerete rûthingo, na ndangîarîre irio.

2Atha 4:8

Mûthenya ûmwe Elisha nîwathiîre Shunemu kûrîa mûndûmûka warî gîtonga aatûûraga. Mûndûmûka ûcio nîwaringîrîrie Elisha athiî akarîe irio gwake. Kwoguo kuuma vîndî îo, rîrîa rîonthe Elisha aathiîcaga Shumemu, nîwatonyaga mûciî kwa mûndûmûka ûcio na akarîa irio kuo.

2Atha 5:13

Nwatî ndungata ciake nîciathiîre varî ke na ikîmwîra atîrî, “Mwathi wetû, kethîrwa mûrathi nîarakwîrîte wîke ûndû mûnene makîria-î, anga ndûngîka? Rîu ûrarega kwîthambia nîkî nîguo ûthere wata ûguo akwîrîte?”

Esita 1:6

Kûu nja kwa mûthamaki kwagemetue na itambaa cia rangi wa vururu, na îno njerû na ciovetwe na mîkumbû ya nguo cia goro ya rangi wa Njambarawe na ikovererwa icûvîrî cia sîlûva, igacoka igacurua itugîrî cia mathiga ma yûmba na mîgeka ya gwîkarîra yarûthîtwe na thaavu. Mîkathî îo ya sîlûva na thaavu yaigîtwe nja kwa mûthamaki na kwagemetue waro na mathiga maavenavenagia, mathiga matune, mathiga ma yûmba, mathiga ma rangi ya mûkûngambura na tûthiga twîngî twa goro.

Nthi 25:20

Kwinîra mûndû arî na kîeva nyîmbo, nîta kûmûruta nguo kûrî na mvevo, kana kûvaka kîronda cumbî.

Ezek 23:41

Mekarîîre itî mbaro mûno ta irîa ciîkaragîrwa nî anene na metha îtandîkîtwe mbere yao. Metharî îo maaigîrîrîte ûbani wakwa na maguta makwa.

Luka 14:23

Mûnene wa ndungata îo nîwamîrire atîrî, ‘Thiî varavararî wa na tûcîrarî tûrîa tûrî nja ya îtûûra rîîrî ûringîrîrie andû maûke nîguo nyomba yakwa îcûre.

Luka 24:29

Nwatî arûmîrîri acio nîmaamûthaithire makîmwîraga atîrî, “Îkarania natue nîûndû kûthiîte gûtuka.” Kwoguo Jesû nîwathûkirie na agîkarania nao.

Ciîko 16:15

Ke na andû onthe a mûciî wake nîmaavatithirue. Nîwacokire agîtûthaitha agîtwîra atîrî, “Ethîrwa mue nîmwatua atî nie na ma nîmbîtîkîtie Mwathani, ûkani vi mûgekare gwakwa mûciî.” Nake nîwageririe mûno gûtwîgwithia atî tûthiî tûgekaranie nake.

2Akor 5:14

Tue twathagwa nî wendo wa Kristû, nîûndû nîtûmenyete atî mûndû ûmwe nîwakwire nîûndû wa andû onthe. Kwoguo andû onthe nîmagaanaga gîkuû gîake.

1Sam 28:22

Rîu nîngûkûria wanawe wîtîkîre ûrîa ngûkûria. Tiga ngûthondekere irio ûrîe nîguo ûgîe na vinya wa kûthiî!”