1Sam 27:10 - ÎVUKU RÎA ÛVORO MWARO

¹⁰ Nake Akishi angîamûririe atîrî, “Wauma kûtharîkîra kû ûmûnthî?” Daudi nîwamwîraga atî ke aathiîte mwena wa îveti wa Juda, kana vûrûrirî wa Ajerahameeli, kana vûrûrirî wa Akeni.

1Sam 27:10 ပူးပေါင်းရင်းမြစ်များ

Kîam 27:24

nîwamûririe wa rîngî atîrî, “Nîma atî we nîwe mûvîcîwa Esaû?” Nake Jakovu nîwamûcokerie atîrî, “Îî nî nie.”

2Sam 17:20

Rîrîa ndungata cia Abusalomu ciakinyire mûciî ûcio, nîciaûririe mûndûmûka ûcio atîrî, “Ahimaazi na Jonathani marî kû?” Nake mûndûmûka ûcio nîwamacokerie atîrî, “Nîmathiîre mûringo ûrîa wîngî wa rûnjî.” Nacio ndungata icio nîciamacaririe, na rîrîa maaturire nîciacokire Jerusalemu.

1Maû 2:25

Jerahimeli mûvîcî wa Hezironi wa îrikithathi aarî na anake atano. Ramu nîke wa îrikithathi akîrûmîrîrwa nî Buna, Oreni, Ozemu, na Ahija.

1Maû 2:9

Hezironi aarî na anake athatû. Nao maarî: Jerahimeli, Ramu, na Kalebu.

Thaburi 119:163

Nînthûrîte maveeni mûno, nwatî nîmendete watho waku.

Thaburi 119:29

Nthengutîria njîra cia maveeni; na nîûndû wa ûrîa wî mwaro, nthomithia watho waku.

Nthi 29:25

Gwîtigîra andû nî gwîtonyia mûtegorî we mwene, nwatî mûndû ûrîa wîvokaga Ngai-Mûnene ethagîrwa arî mûgitîre.

Ndari 24:21

Nîwacokire akîona Akeni kîonekirî gîake na akîratha atîrî, “Kûrîa mûtûûraga mue Akeni nî kûgitîre, kûgitîrîtwe ta kîomba kîrî nguvarî ya îthiga.

Aefeso 4:25

Kwoguo tiganani na ûvoro wa maveeni! Wa mûndû nwanginya erage mûndû ûrîa wîngî ûvoro wa ma, nîûndû tuonthe vamwe tûrî ciîga cia mwîrî wa Kristû.

Atir 1:16

Njiarwa cia mûthoniwe wa Musa ûrîa warî Mûkeni, vamwe na andû a Juda nîciaumire Jeriko îtûûra rîa Mîkîndû na makîthiî werûrî wa Juda ûrîa ûrî Negebu vakuvî na Aradi. Kûu nîkuo maatûûranirie na Amaleki.

Atir 4:11

Vîndî îo Heberi ûrîa Mûkeni nîwatiganîte na Akeni arîa engî arîa maarî njiarwa cia Hobabu ûrîa warî mûthoniwe wa Musa. Heberi aambîte îgema rîake mûtîrî wa mûvuru vau zananimu vakuvî na Kedeshi.

Atir 5:24

Jaeli nîke mûndûmûka ûrîa mûrathime kûrî aka onthe, mûka wa Heberi, ûrîa Mûkeni, nîke mûndûmûka mûrathime mûno, kûrî aka onthe arîa matûûraga magemarî.

1Sam 15:6

Nake nîwerire Akeni atîrî, “Nyûrûrûkani muume gûkû mûthengutîre Amaleki nîguo ndikamûraganîrie vamwe nao, nîûndû mue nîmwekire Aisiraeli ciîko mbaro vîndî îrîa maaumîte Misiri.” Kwoguo Aakeni nîmaathengutîre Amaleki.

1Sam 21:2

Daudi nîwacokerie Ahimeleku mûthînjîri-Ngai atîrî, “Nîrî ava ndûmîtwe nî mûthamaki. Ambîrire atî ndikamenyithie mûndû wanarî ûmwe ûndû ûrîa andûmîte ngeke. Na nîtûrîkanîrîte na andû akwa varîa tûgacemania.

1Sam 23:27

Vîndî wa îo mûnjaama ûmwe nîwakinyire na akîra Saûlo atîrî, “Coka na narua! Afilisiti nîmaratharîkîra vûrûri!”

1Sam 27:11

Daudi nîwaûragaga arûme na aka onthe nîguo mûndû wanarî ûmwe ndakathiî Gathu auga ûrîa Daudi na andû ake meekîte. Ûguo nîguo Daudi eekaga vîndî îrîa yonthe aatûûrire Filisiti.

1Sam 29:8

Daudi nîwerire Akishi atîrî, “Nîkwa mbîkîte îvîtia rîrîkû mwathi wakwa? Ethîrwa wata ûguo wauga, we ndûrî wamona na îvîtia wanarî rîmwe kuuma mûthenya ûrîa naambîrîrie gûgûtungatîra rî, nîndûî gîkûgiria nthiî nawe ngarûe na nthû ciaku mwathi wakwa mûthamaki?”

1Sam 30:29

Rakali, matûûrarî ma Ajerameeli, matûûrarî ma Aakeni,