1Sam 26:8 - ÎVUKU RÎA ÛVORO MWARO

⁸ Abishai nîwerire Daudi atîrî, “Ngai nîanenganîrîte nthû yaku kûrî we ûmûnthî. Mbîtîkîria nîmûmunde na îtumû rîu rîake, nîmûmunda riita rîmwe nînîmûmundithanie na nthî, tînîmûmunda maita maîrî!”

1Sam 26:8 ပူးပေါင်းရင်းမြစ်များ

2Sam 16:9

Abishai ûrîa ng'ina eetagwa Zeruia nîwerire mûthamaki atîrî, “Mwathi wakwa, ûretîkîra mûndû ûyû wîkariî ta ngui îno nguû akûrume nîkî? Tiga nthiî nîmûtinie kîongo!”

Thaburi 31:8

Ndwandekereria kûrî nthû ciakwa, nîûnûngamîtie vandû varî na thayû.

Jeremia 40:15

Johanani mûvîcî wa Karea nîwacokire akîaria na Gedalia na nthitho kûu Mizipa na akîmwîra atîrî, “Tiga nthiî ngaûrage Ishumaeli mûvîcî wa Nethania na gûtirî mûndû wîngî ûkamenya. Nîndûî kîratûma ende gûkûûraga atî nîguo andû onthe a Juda arîa makûrigicîrîtie manyaganie na Ayahudi arîa maatigarire mathirue?”

Nahumu 1:9

Nî mîvango îrîkû mûravangîra Ngai-Mûnene? Nîakûmûthiria na amûcûkangie, nderîvagîrîria kûrî nthû ciake maita maîrî.

Aroma 11:32

Nîûndû Ngai nîatûmîte andû onthe matuîke ta marî ove nîûndû wa ûremi wao nîguo acoke ameguîre ntha onthe.

Gûco 32:30

Nî atîa mûthigari ûmwe nthû angîvoota athigari ngiri îmwe a Isiraeli? Nî atîa athigari aîrî nthû mangîvoota athigari ngiri îkûmi a Isiraeli? Tiga nwa Îthiga rîao amendetie, Ngai-Mûnene amatiganîrîtie?

Josh 21:44

Ngai-Mûnene nîwerîrîte methe ma tene ma andû a Isiraeli atî nîagaatûma matûûrage na thayû vûrûrirî wao wonthe. Nake nîwavingirie kîîranîro kîu. Gûtirî wana îmwe ya nthû ciao îngîavotire kûrûa nao, nîûndû Ngai-Mûnene nîwamavere ûvootani kûrî nthû ciao cionthe.

Atir 1:4

na wa Juda nîmaathiîre mbaararî vamwe. Nake Ngai-Mûnene nîwamavotithirie kûvoota Akanaani na Aperizi. Nîmaavootire andû ngiri îkûmi kûu Bezeki.

1Sam 23:14

Daudi nîwekarire ethithîte kûu vûrûrirî ûrîa ûrî irîma kûu werûrî wa Zifu. Saûlo nîwamûcaragia wa mûthenya, nwatî Ngai ndaanenganîra Daudi kûrî Saûlo.

1Sam 24:4

Nao andû a Daudi nîmaamwîrire atîrî, “Gaka nîko kamweke gaku, nîûndû ûmûnthî nîguo mûthenya ûrîa Ngai-Mûnene aakwîrire atî nîakaanenganîra nthû yaku njararî ciaku, nawe nîûkaamwîka wa ûrîa wonthe ûkeenda kûmîka.” Nake Daudi nîwathiîre acemete na agîtinia gîcûrî Kîam nguo ya Saûlo îrîa ndaca atakûmenya.

1Sam 24:5

Nwatî vuva wa gwîka ûguo, thamiri ya Daudi nîyambîrîrie kûmûcuka nîûndû nîwatinirie gîcûrî Kîam nguo ya Saûlo.

1Sam 26:23

Ngai-Mûnene nîarathimaga andû arîa athingu na evokeku. Ûmûnthî Ngai-Mûnene nîarakûrekereretie njararî ciakwa, nwatî ndinagwîka ûûru nîûndû Ngai-Mûnene nîakûthuurîte ûtuîke mûthamaki.

1Sam 26:7

Kwoguo ûtukû ûcio Daudi na Abishai nîmaathiîre na magîtonya kûrîa Saûlo maambîte magema. Nao nîmeethîre Saûlo amamîte gatagatî narîo îtumû rîake rîmundithîtue nthî vakuvî na kîongo gîake. Nake Abineri na athigari acio engî mamamîte mamûthiûrûrûkîrîtie.

1Sam 26:9

Nwatî Daudi nîwerire Abishai atîrî, “Ndûkamûrage! Ngai-Mûnene nwa averithie mûndû wa wonthe ûrîa ûngîka mûthamaki ûrîa ke athuurîte ûûru.”