1Sam 26:23 - ÎVUKU RÎA ÛVORO MWARO

²³ Ngai-Mûnene nîarathimaga andû arîa athingu na evokeku. Ûmûnthî Ngai-Mûnene nîarakûrekereretie njararî ciakwa, nwatî ndinagwîka ûûru nîûndû Ngai-Mûnene nîakûthuurîte ûtuîke mûthamaki.

1Sam 26:23 ပူးပေါင်းရင်းမြစ်များ

2Sam 22:21

Ngai-Mûnene andathimaga nîûndû mbîkaga maûndû marîa magîrîrîte, andathimaga nîûndû ndirî na ûcuke.

2Sam 22:25

Kwoguo Ngai-Mûnene nîwandathimire nîûndû mbîkaga maûndû marîa magîrîrîte, na nîwonaga atî nîrî mûtheru.

1Atha 8:32

We Ngai-Mûnene nakûthaitha ûkaathikîrîria na ûgaatuithania ndungata ciaku ûrî kûu îgûrû. Ûkaaverithia mûndû ûrîa mwîvia wata ûrîa kwagîrîrîte, nake mûndû ûrîa mûthingu ûgaatûma agîe na maûndû maringanîte na ûthingu wake.

Nehemia 13:14

Ndirikana Ngai wakwa. Ndûkariganîrwe nî maûndû maro marîa mbîkîte nîûndû wa nyomba yaku na ûtungata waku.

Ayubu 34:11

Ngai arîvaga mûndû kûringana na wîra wake, ekaga mûndû kûringana na mîtugo yake.

Thaburi 62:12

na atî wendo wake ndûthiraga, na arîvaga mûndû kûringana na ciîko ciake.

1Sam 24:11

Taroria, vava, taroria wone gîcûrî Kîam nguo yaku îrîa ndaca gîkî nyitîte! Nîngîkûragire, nwatî vandû va gwîka ûguo nie nîndinirie gîcûrî gîkî Kîam nguo yaku. Kwoguo menya atî nie ndirî na meciria ma kûregana nawe kana ma gûgwîka ûûru. Ndirî mûkûvîtîriu wana ethîrwa nîûrenda kûmbûraga.

1Sam 24:12

Ngai-Mûnene arotûtuîra we nanie onanie ûrîa wîvîtie! Ngai-Mûnene arokûverithia nîûndû wa ûrîa ûrambîka, nwatî nie ndingîgwîka ûndû mûcûku wanarî vanini.

1Sam 24:18

Ûmûnthî we nîwonania ûrîa ûrî mwagîrîru nîûndû ndûnambûraga wana ethîrwa Ngai-Mûnene nîaranenganîrîte kûrî we!

1Sam 24:19

Nî mûndû ûrîkû ûngînyita nthû yake na akamîrekereria îthiî atamîkîte ûûru? Ngai-Mûnene arokûrathima nîûndû wa ûguo wambîka ûmûnthî.

1Sam 26:11

Ngai-Mûnene nîangirîtie ndigeke mûndû ûrîa atuîte mûthamaki ûûru! Tigani tûoce îtumû rîîrî rîrî vakuvî na kîongo gîake na mûcuva wake wa manjî tûkînathiî.”

1Sam 26:22

Nake Daudi nîwacokirie atîrî, “Mwathi wakwa, îtumû rîaku nîrîo rîrî. Tûma ûmwe wa anake aku aûke arîoce.

1Sam 26:9

Nwatî Daudi nîwerire Abishai atîrî, “Ndûkamûrage! Ngai-Mûnene nwa averithie mûndû wa wonthe ûrîa ûngîka mûthamaki ûrîa ke athuurîte ûûru.”