1Sam 26:20 - ÎVUKU RÎA ÛVORO MWARO

²⁰ Kwoguo ndûkareke mbûragîrwe vûrûrirî mûgeni kûraca na Ngai-Mûnene. Nîndûî kîratûma mûthamaki wa Isiraeli aûka kûmbûraga na mvana ta nthua na anguîme ta gîconi irîmarî?”

1Sam 26:20 ပူးပေါင်းရင်းမြစ်များ

Jeremia 16:16

Ngai-Mûnene arauga atîrî, “Nîngwîta ategi eengî mûno a nthamaki nîguo matege andû aya. Nîngûcoka mbîte aguîmi eengî mûno, nîguo mamacarie irîmarî cionthe na tûrîmarî na ngurungarî cia mathiga.

Maca 3:52

“Nyitîtwe na mûtego ta gîconi nî nthû ciakwa na gûtarî na gîtûmi.

Mathaayo 26:47

Rîrîa Jesû aaragia, Judasi ûrîa warî ûmwe wa arutwa arîa îkûmi na aîrî nîwakinyire. Aakinyire marî na andû eengî makuuîte mviû na njokoma. Nao maatûmîtwe nî anene a athînjîri-Ngai na athuuri.

Mathaayo 26:55

Nake Jesû nîwaûririe kîrîndî atîrî, “Mûkîte kûnyita mûkuîte mviû na njokoma takwa nî mûcunani? Nîrekaraga hekarûrî mûthenya wa mûthenya ngîthomithagia na matingînyiita.

1Sam 2:9

“Ngai-Mûnene nîke ûgitagîra andû ake arîa mamwîvokete, nwatî andû arîa aganu maûragîra ndumarî. Nîûndû mûndû ndavootanaga na njîra ya vinya wake ke mwene.

1Sam 24:11

Taroria, vava, taroria wone gîcûrî Kîam nguo yaku îrîa ndaca gîkî nyitîte! Nîngîkûragire, nwatî vandû va gwîka ûguo nie nîndinirie gîcûrî gîkî Kîam nguo yaku. Kwoguo menya atî nie ndirî na meciria ma kûregana nawe kana ma gûgwîka ûûru. Ndirî mûkûvîtîriu wana ethîrwa nîûrenda kûmbûraga.

1Sam 24:14

Taroria mûndû ûrîa mûthamaki wa Isiraeli arenda kûraga! Nîûrîkû ûrûmîrîrîtie! Nî ngui îno nguû! Ûrûmîrîrîtie nthuua tu!

1Sam 24:15

Ngai-Mûnene arotuîka mûtuui cira gatagatî gakwa nawe. Nîke ûkaambarîrîria na amvonokie kuuma kûrî we.”

1Sam 25:29

Mûndû wa wonthe agaakûtharîkîra na agerie gûkûraga, Ngai-Mûnene nîagaakûgitîra wata ûrîa mûndû agitagîra mûthithû wake wa goro. Nacio nthû ciaku nîagaacikia wata ûrîa mûndû aikagia mathiga na gîkûtha.