1Sam 25:6 - ÎVUKU RÎA ÛVORO MWARO

⁶ Ke nîwataarire anake acio makeere Nabali atîrî, “Daudi mûrataguo nîwagûkethia na nîarakûvoera thayû we mûnene, andû a mûciî waku na kîrîa kîonthe ûrî nakîo.

1Sam 25:6 ပူးပေါင်းရင်းမြစ်များ

Kîam 43:23

Ndungata îo nîyamerire atîrî, “Tigani gûtangîka kana kwîgua guoya. Ngai wenyu, na nîke Ngai wa îthe wenyu, nwanginya ethîrwe nîke wamwîkîrîre mbeca nguniarî cienyu. Nie nînaamûkîre kîveo kîenyu.” Josefu nîwacokire akîrete Simioni kûrî o.

2Sam 18:28

Ahimaazi nîwathiîre kûrî mûthamaki na akîmûkethia. Nîwegwîthirie nthî mbere ya mûthamaki na akîmwîra atîrî, “Ngai-Mûnene, Ngai waku arogoocwa, ûrîa ûtûmîte ûvoote andû arîa marakûgomerete we mwathi wakwa!”

1Maû 12:18

Roho wa Ngai nîwacokire ûgîtonya kûrî Amasai mûnene wa athigari arîa njamba mîrongo îthatû na akiuga atîrî, “Daudi tue tûrî aku, tûrî nawe mûvîcî wa Jesse! Thayû ûrogîa kûrî we, thayû ûrogîa kûrî arîa magûtethagia! Nîûndû Ngai waku nîagûtethagia.” Daudi nîwacokire akîmagwata ûgeni na akîmatua anene a athigari ake a mbaara.

Thaburi 122:7

Thayû ûrogîa kûrî andû a Jerusalemu, nyombarî cienyu cia athamaki kûgîe na ûgitîri.”

Thaburi 122:8

Nîûndû wa andû etû na arata etû, nîmbuga atîrî, “Jerusalemu kûrotûûra na thayû!”

Luka 10:5

Mûciî wa wonthe ûrîa mûgaatonyaga ambagani kuga atîrî, ‘Thayû ûrogîa mûciîrî ûyû!’

Johana 14:27

“Thayû nîguo nie nîramûtigîra; nî thayû wakwa nîramûva. Nie ndiramûva thayû wîkariî ta ûrîa ûvecanagwa nî nthî. Tigani gûtangîka ngororî cienyu kana mûgîe na guoya.

1Ath 3:8

Nîrî nama atî rîu nîtûgûtûûra mwoyo ethîrwa nîmûgûtûûra mwîkindîrîtie waro ndaarî ya Mwathani.

2Ath 3:16

Mwathani ûrîa arî ke kiumo Kîam thayû, aromûva thayû vingo cionthe na maûndûrî monthe. Mwathani nîekare namue muonthe.

1Tim 5:6

Nwatî mûndûmûka wa ndigwa ûrîa ûtûûraga ekenagia na maûndû marîa eriragîria, nî mûkuû wana ethîrwa onekaga arî mwoyo.

1Sam 25:5

Kwoguo Daudi nîwatûmire anake îkûmi na akîmeera atîrî, “Thiîni Karimeli na mûthiî kûrî Nabali na mûngetherie ke.”