1Sam 25:24 - ÎVUKU RÎA ÛVORO MWARO

²⁴ nîwaturumithirie ûthiû wake nthî akîmwîra atîrî, “Nîrakûthaitha mwathi wakwa, ûnthikîrîrie! Tiga ûûru ûcio ûnjokerere.

1Sam 25:24 ပူးပေါင်းရင်းမြစ်များ

Kîam 44:18

Juda nîwathiîre kûrî Josefu na akîmwîra atîrî, “Mwathi wakwa, nakûthaitha ûmbîtîkîrie mbarie nawe nie ndungata yaku, na ndûkarakare nîûndû wakwa. Nîmbicî we ûrî na ûvoti ta wa mûthamaki wa Misiri ke mwene.

2Sam 14:12

Mûndûmûka ûcio nîwacokire akiuga atîrî, “Nakûthaitha mwathi wakwa mûthamaki ûmbîtîkîrie mbuge kaûndû kengî kamwe tu.” Nake Daudi nîwacokirie atîrî, “Uga.”

2Sam 14:9

Nake mûndûmûka ûcio nîwerire mûthamaki atîrî, “Mwathi wakwa mûthamaki, wa ûrîa wonthe ûgeeka, andû a mûciî wakwa nanie tûronyitwa nî thîna ûcio; nwatî we mwene na andû a mûciî waku mûrorega kûnyitwa nî thîna wanarî îrîkû.”

2Sam 20:17

Nake Joabu nîwathiîre kûrî ke na mûndûmûka ûcio akîmûria atîrî, “We nîwe wîtagwa Joabu?” Nake Joabu nîwacokirie atîrî, “Îî nînie.” Mûndûmûka ûcio nîwaugire atîrî, “Thikîrîria ûrîa ngûkwîra mwathi wakwa.” Nake Joabu nîwaugire atîrî, “Nî nthikîrîrîtie.”

2Atha 4:37

Nîwegwîthirie vau magûrûrî ma Elisha na akînamîrîria ûthiû wake nthî; nîwacokire agîoca kaana gake na akiuma nja.

Esita 8:3

Esita nîwacokire akîarîria mûthamaki rîngî, nîwegwîthirie nthî magûrûrî make akîrîraga. Nîwamûthaithire arûngamie mûvango mûcûku ûrîa warûthîtwe nî Hamani wa gûcûkangia Ayahudi.

Nthi 25:15

Gûkirîrîria nwa gûtûme mûthamaki etîkîre ûndû, na mîario ya ûvoreri nwa îtûme thîna ûthire.

Mûvunjia 10:4

Mûnene waku angîrakara nî we, ndûgatige wîra, kwînyivia nîgûtûmaga mavîtia meengî makiranîrwe.

Mathaayo 18:29

Nayo ndungata îo nîyaturirie maru na îkîmûthaitha atîrî, ‘Ngirîrîria na nîngaakûrîva thirî waku.’

1Sam 24:8

Vuvarî Daudi wanake nîwaumire ngurungarî na agîîta Saûlo, “Mwathi wakwa mûthamaki!” Saûlo nîwevûgûrire, nake Daudi nîwenamîrîre na agîturumithia ûthiû wake nthî na wînyivia

1Sam 25:23

Na rîrîa Abigaeli oonire Daudi, nîwaumire îgûrû rîa mvunda na îvenya na akîîgwîthia nthî mbere ya Daudi,

1Sam 25:25

Nîrakûthaitha ndûkarûmbûyanie na Nabali. Mûndû ûcio nî wa mana! Ke ekariî wa rîîtwa rîake na nî kîrimû! Mwathi wakwa nie ndirarî kuo rîrîa ndungata ciaku iraakinyire.

1Sam 25:28

Nîrakûthaitha mwathi wakwa ûnjovere nie ndungata yaku. Ngai-Mûnene nîgaagûtua mûthamaki wana njiarwa ciaku, nîûndû nîûmûrûagîrîra mbaararî, na we ndûkoona ûûru matukû monthe ma ûtûûro waku.