1Sam 25:18 - ÎVUKU RÎA ÛVORO MWARO

¹⁸ Abigaeli nîwevarîrie na îvenya na agîoca mîgate magana maîrî, mbooro igîrî ciîcûrîte ndivei, ng'ondu ithano irî mvîvie, kilo îkûmi na mûgwanja cia ngano irî mvîvie, tûkundi îgana rîmwe twa thavibu irî nyûmithie na geki magana maîrî cia ngûyû irî nyûmithie na agîcigîrîra îgûrû rîa mvunda.

1Sam 25:18 ပူးပေါင်းရင်းမြစ်များ

2Sam 16:1

Rîrîa Daudi aavîtûkire kîrîma kîu vandû vanini, nîwatûngirwe nî Ziba ndungata ya Mefiboshethu. Ziba aarî na mvunda igîrî ikuîte mîgate magana maîrî, ikundi îgana rîmwe cia thavibu, ikundi îgana rîmwe cia matunda ma gûtuuwa wa rîo na mbooro îcûrîte ndivei.

1Maû 12:40

Andû arîa maariganîtie nao, kuuma Isakaru, Zebuluni na Nafutali nîmaaûkire makuuîte irio na mvunda ciao, ngamîîra, nyûmbû na ndegwa. Irio icio ciarî: mûtu, tûmîgate twa ngûyû, thavibu, ndivei na maguta. Nîmaacokire makîvira ndegwa na ng'ondu, nîûndû kûu Isiraeli kuonthe kwarî na gîkeno.

Nthi 18:16

Kûvecana kîveo nî gûtûmaga mîrango îvingûke, na gûgakinyia mûndû kûrî andû arîa marî îgweta.

Nthi 21:14

Marakara mathiragua na kîveo kîvecanîtwe na njîra ya nthitho, na îvaki rîvecanîtwe na njîra ya nthitho nîrîthiragia marakara.

Nthi 31:12

Ndekaga mûthuuriwe maûndû macûku, ûtûûrorî wake wonthe ekaga mûthuuriwe maûndû maro.

Mathaayo 5:25

“Ethîrwa nî kûrî mûndû ûrakûthitanga nî ûndû atî nîûmwîkîte ûndû mûcûku, geria mwîgucane nake mbere ya mûkinya îgootirî, nîûndû wona mwakinya kuo nîagûkûnenganîra kûrî mûcirithania nake akûnenganîre kûrî athigari na wikue njeera.

1Sam 17:17

Nake Jesii nîwerire Daudi atîrî, “Oca kilo ino îkûmi cia ngano irî mvîvie na mîgate îno îkûmi ûvirîre aa mûrwanyûkwe kûrîa mambîte magema.

1Sam 25:17

Rîu îîcirie ûvoro ûyû na ûmenye ûrîa wagîrîrwe nî gwîka. Ûndû ûyû wavota kûretere mwathi wetû ûndû mûcûku wa vamwe na andû a mûciî wake. Ke nî mûndû mwaganu na ndangîthikîrîria mûndû!”

1Sam 25:34

Ngai-Mûnene nîangiririe ndigakûgere ngero. Nwatî nîrevîta na Ngai wa Isiraeli ûrîa ûtûûraga mwoyo atî, kethîrwa ndûnaûkanga kûrî nie arûme onthe a Nabali mangîkethîrwa marî akuû rûyû kîraûko!”