1Sam 25:17 - ÎVUKU RÎA ÛVORO MWARO

¹⁷ Rîu îîcirie ûvoro ûyû na ûmenye ûrîa wagîrîrwe nî gwîka. Ûndû ûyû wavota kûretere mwathi wetû ûndû mûcûku wa vamwe na andû a mûciî wake. Ke nî mûndû mwaganu na ndangîthikîrîria mûndû!”

1Sam 25:17 ပူးပေါင်းရင်းမြစ်များ

2Sam 24:13

Gadi nîwathiîre kûrî ke, akîmwîra ûrîa Ngai-Mûnene aaugîte na akîmûria atîrî, “Ûrenda ûndû ûrîkû? Kûgîe yûra îvinda rîa mîaka îthatû vûrûrirî waku, ûûre nî nthû ciaku ikûvinyûrîtie mîeri îthatû kana kûgîe na mûthiro mîthenya îthatû vûrûrirî wonthe. Rîu îîcirie na ûmbîre ûrîa ngûthiî kwîra Ngai-Mûnene.”

1Atha 21:10

Mwige mîkora îîrî yerekanîrîte nake nîguo îmûthitange îkîmwîraga atî nîarumîte Ngai vamwe na mûthamaki. Mûcoke mûmûrute nja ya îtûûra na mûmûûrage na mathiga.”

1Atha 21:13

Nayo mîkora îîrî nîyathiîre na îgîkara yerekanîrîte nake na nîyamûthitangire andû onthe makîgucaga atî nîarumîte Ngai vamwe na mûthamaki. Kwoguo Nabothi nîwarutirwe nja ya îtûûra na akîûragwa na mathiga.

2Maû 13:7

Vuvarî nîwagomanirie varî ke andû aganu na mataarî kîene na makîringîrîria Rehoboamu mûvîcî wa Solomoni eke ûrîa meendaga rîrîa Rehoboamu aarî mûndû mwîthî na atangîavotire kûmetirîria.

2Maû 25:16

Wa akîaragia, mûthamaki nîwerire mûrathi ûcio atîrî, “Nîkwa tûgûtuîte mûtaari wa mûthamaki? Kira kana ûragwe.” Kwoguo mûrathi nîwakirire, nwatî nîwaugire atîrî, “Nîmbicî atî Ngai nî atuîte agûcûkangie nîûndû wa ûndû ûyû wîkîte na nîûregete kûthikîrîria ûtaaro wakwa.”

Esita 7:7

Mûthamaki nîwaûkîrire akiuma kîrugorî kîu arî na marakara mûno na akîthiî na kûu mûgûndarî wa nyomba îo ya mûthamaki. Hamani nîwonire atî mûthamaki aarî mwîvarîriu kûmûverithia kwoguo nîwatigirwe akîthaithaga kwini Esita nîguo ndakaûragwe.

Nthi 12:8

Mûndû mûûgî nîakumagua nî andû arîa engî, nwatî mûndû kîrimû nîkwa anyararagwa.

Gûco 13:13

atî îtûûrarî rîmwe nî kuumîrîte andû matarî kîene na nî maveenereretie andû magooce ngai ciîngî irîa mûtaicî.

Atir 19:22

Vîndî wa îo maakenaga, wa rîmwe gîkundi Kîam andû marî na mîtugo mîcûku maumîte îtûûrarî nîmaathiûrûrûkîrie nyomba îo na makîambîrîria kûrumia mûrango makîraga mûthuuri ûcio atîrî, “Ruta mûndû ûcio mûkire nake na gûkû nja! Tûrenda kûmenyana nake kîîmwîrî na vinya!”

1Sam 10:27

Nwatî nîkwarî na andû amwe maarî a mana maaûririe atîrî, “Nî ûndû ûrîkû mwaro mûndû ûyû angîtwîkîra?” Nao makîmûnyûrûria na makîrega kûmûva kîveo wanarî kîmwe. Nwatî Saûlo agîkira kivi.

1Sam 2:12

Nake Eli aarî na anake ake. Anake acio maarî aganu na matiavecaga Ngai-Mûnene gîtîîo,

1Sam 20:7

Angîkaauga, ‘nî waro,’ gûtirî ûûru ngona, nwatî angîkaarakara, ûkaamenya atî nîatuîte kûmbîka ûndû mûcûku.

1Sam 20:9

Nake Jonathani nîwacokirie atîrî, “Ndûgaîcirie ûndû ta ûcio! Nîûndû kethîrwa nwa menye na ma atî vava nîatuîte nîagûgwîka naaî, kinthî twa ngwîre?”

1Sam 25:16

Nîmaatûgitagîra ûtukû na mûthenya rîrîa rîonthe twethagîrwa tûrî nao tûkîrîthia ng'ondu.

1Sam 25:18

Abigaeli nîwevarîrie na îvenya na agîoca mîgate magana maîrî, mbooro igîrî ciîcûrîte ndivei, ng'ondu ithano irî mvîvie, kilo îkûmi na mûgwanja cia ngano irî mvîvie, tûkundi îgana rîmwe twa thavibu irî nyûmithie na geki magana maîrî cia ngûyû irî nyûmithie na agîcigîrîra îgûrû rîa mvunda.

1Sam 25:25

Nîrakûthaitha ndûkarûmbûyanie na Nabali. Mûndû ûcio nî wa mana! Ke ekariî wa rîîtwa rîake na nî kîrimû! Mwathi wakwa nie ndirarî kuo rîrîa ndungata ciaku iraakinyire.