1Sam 24:9 - ÎVUKU RÎA ÛVORO MWARO

⁹ na akîîra Saûlo atîrî, “Nîndûî gîtûmaga ûthikîrîrie andû arîa makwîraga atî, Daudi nîarenda gûkûgera ngero?

1Sam 24:9 ပူးပေါင်းရင်းမြစ်များ

Thaburi 101:5

Nîngaacûkangia mûndû ûrîa ûkaaguta mûndû ûrîa wîngî, ndigeekarania na mûndû mwîtîi na mwaganu.

Thaburi 141:6

Rîrîa athani ao magaaikua kuuma nguvarî ya îthiga, nîrîo makaamenya atî ciugo ciakwa ciarî cia ma.

Nthi 16:28

Andû arîa acûku nîo matûmaga kûgîe na ngucanio, na nîo matûmaga andû arîa mendanîte mamenane.

Nthi 17:4

Andû arîa acûku mathikagîrîria maûndû marîa macûku, nao arîa maveenanagia mathikagîrîria maûndû ma maveeni.

Nthi 18:8

Ciugo cia mûndû wa ngutû nîta irio irî na mûcamo mwaro, imerûkaga waro igatonya îvu ndaarî.

Nthi 25:23

Rûkûngi rwa mwena wa rûgûrû rûretaga mbura, nacio njukû iretaga marakara.

Nthi 26:28

Mûndû ûrîa ûveenagia mûndû ûrîa wîngî nîamûmenete, na mîario ya kînyûrûri nî ya gûcûkangia.

Nthi 29:12

Mûthamaki angîthikagîrîria maûndû ma maveeni, anene ake onthe matuîkaga aganu.

Jeremia 37:18

Jeremia nîwacokire akîûria mûthamaki Zedekia atîrî, “Nî ûndû ûrîkû mbîkîte mûcûku kana ngavîtîria ndungata ciaku kana andû aya, atî nîguo ûmvingîrithie njeera?

Alawi 19:16

Mûtikathiî mûkîguutanaga kûrî andû enyu, na mûtikarute ûira ûngîtûma mûndû ûrîa wîngî atuîrîrwe kûûragwa. Nie nînie Ngai-Mûnene.

Jakuvu 3:6

Rûrîmî nwa rûtuîke ta mwaki. Nî vûrûri mûgima wa maûndû macûku gatagatîrî ga ciîga cia mîîrî yetû. Rûrîmî nîrûtambagia ûcûku wa ruo mwîrîrî wonthe. Nîrûvîvagia mûtûûrîre wetû wonthe na mwaki ûrîa ûkaga kûrî ruo kuuma îcua.

1Sam 20:1

Daudi nîwacokire akiuma Naiothu kûu Rama akîthiî kûrî Jonathani na akîmûria atîrî, “Nîkwa mbîkîte atîa? Mavîtia makwa nîmarîkû? Nî îvîtia rîrîkû mvîtîrîtie aguo narîo rîa gûtûma ende kûmbûraga?”

1Sam 20:41

Mwanake ûcio arîkia kûthiî, Daudi nîwaumîrire varîa eethithîte vuva ya kîrûndo Kîam mathiga, agîturia maru na akînamîrîra nthî maita mathatû. Nao oîrî, Jonathani na Daudi nîmaamumunyanire makîrîraga. Daudi aarî na kîeva kîngî gûkîra Jonathani.

1Sam 24:10

Taroria, ûmûnthî we nîweyonera ûrîa Ngai-Mûnene arakûnenganîrîte kûrî nie kûu ngurungarî? Andû amwe akwa nîmambîraga ngûrage, nwatî nîngwîguîrîre ntha na nauga atî, ndingîgwîka ûûru wanarî vanini nîûndû Ngai-Mûnene nîakûthuurîte ûtuîke mûthamaki.

1Sam 24:8

Vuvarî Daudi wanake nîwaumire ngurungarî na agîîta Saûlo, “Mwathi wakwa mûthamaki!” Saûlo nîwevûgûrire, nake Daudi nîwenamîrîre na agîturumithia ûthiû wake nthî na wînyivia

1Sam 26:18

Ke nîwacokire akiuga rîngî atîrî, “Nîndûî kîratûma mwathi wakwa ûnûmîrîrie nginya rîu, nie ndungata yaku? Ngwîkîte atîa? Nî ûûru ûrîkû mbîkîte?

1Sam 26:19

Mwathi wakwa, rîu thikîrîria ûrîa ndungata yaku îkuga. Ethîrwa nî Ngai-Mûnene ûtûmîte wende kûmbûraga, nînîmûrutîra îtega nîguo agarûre îtua rîake. Nwatî ethîrwa nî andû matûmîte, Ngai-Mûnene arotûma magwatwe nî kîrumi nîûndû nîmamîngatîte ngauma îgairî rîrîa Ngai-Mûnene aatûveere na makiuga atî, ‘Thiî ûgatungatîre ngai ng'eni.’