1Sam 24:4 - ÎVUKU RÎA ÛVORO MWARO

⁴ Nao andû a Daudi nîmaamwîrire atîrî, “Gaka nîko kamweke gaku, nîûndû ûmûnthî nîguo mûthenya ûrîa Ngai-Mûnene aakwîrire atî nîakaanenganîra nthû yaku njararî ciaku, nawe nîûkaamwîka wa ûrîa wonthe ûkeenda kûmîka.” Nake Daudi nîwathiîre acemete na agîtinia gîcûrî Kîam nguo ya Saûlo îrîa ndaca atakûmenya.

1Sam 24:4 ပူးပေါင်းရင်းမြစ်များ

2Sam 4:8

Nîmaavirire kîongo kîu Kîam Ishiboshethu kûrî mûthamaki Daudi kûu Heburoni na makîmwîra atîrî, “Gîkî nîkîo kîongo Kîam Ishiboshethu mûvîcî wa nthû yaku îrîa îtagwa Saûlo, îrîa yendaga gûkûûraga. Ûmûnthî Ngai-Mûnene nîagwîtîkîrîtie we mwathi wetû wîrîvîrie kûrî Saûlo na njiarwa ciake.”

Ayubu 31:31

Andû onthe arîa mandungataga nîmaicî waro atî, nînyamûkagîra ageni na ngamatuga.

Thaburi 142:1

Nînîrakaîra Ngai-Mûnene mbugîrîrîtie, nînîrathaitha Ngai-Mûnene na mûgambo wakwa.

Thaburi 57:1

Mbîguîra ntha, we Ngai, mbîguîra ntha, nîûndû mbûkaga kûrî we nîguo ûngitîre. Ngitagîrwa nî kîruru Kîam mathagu maku, nginya rîrîa kîvuvûkanio Kîam mathîna gîkaathira.

Ntha 21:13

Nwatî angîmûraga atakwenda, mûndû ûcio ûraganîte nwa athiî aûrîre kûndû kûrîa ngaamûthuurîra gûtarî na ûgwati.

1Sam 22:1

Daudi nîwaûrire akiuma kûu îtûûrarî rîa Gathu na akîthiî ngurungarî îrîa yarî vakuvî na îtûûra rîa Adulamu. Rîrîa aa mûrwang'ina na andû onthe a mûciî wao meeguire atî aarî kûu, nîmaathiîre kûrî ke.

1Sam 23:17

Jonathani nîwerire Daudi atîrî, “Tiga gwîtigîra, nîûndû vava Saûlo ndangîkûraga. We nîûgaatuîka mûthamaki wa Isiraeli nanie nîngaatuîka mûnini waku na vava Saûlo nîwicî ûguo.”

1Sam 23:7

Saûlo nîwerirwe atî Daudi nîwathiîte Keila. Nake Saûlo nîwaugire atîrî, “Ngai nîamûnenganîrîte njararî ciakwa, nîûndû Daudi ke mwene nîwîvingîrîte atonyete îtûûra ririgîre na rîrî na ivingo cia vinya.”

1Sam 24:10

Taroria, ûmûnthî we nîweyonera ûrîa Ngai-Mûnene arakûnenganîrîte kûrî nie kûu ngurungarî? Andû amwe akwa nîmambîraga ngûrage, nwatî nîngwîguîrîre ntha na nauga atî, ndingîgwîka ûûru wanarî vanini nîûndû Ngai-Mûnene nîakûthuurîte ûtuîke mûthamaki.

1Sam 24:18

Ûmûnthî we nîwonania ûrîa ûrî mwagîrîru nîûndû ndûnambûraga wana ethîrwa Ngai-Mûnene nîaranenganîrîte kûrî we!

1Sam 26:23

Ngai-Mûnene nîarathimaga andû arîa athingu na evokeku. Ûmûnthî Ngai-Mûnene nîarakûrekereretie njararî ciakwa, nwatî ndinagwîka ûûru nîûndû Ngai-Mûnene nîakûthuurîte ûtuîke mûthamaki.