1Sam 24:17 - ÎVUKU RÎA ÛVORO MWARO

¹⁷ Nake nîwerire Daudi atîrî, “We ndûrî na mavîtia, nwatî nie mvîtîtie. Nîûmbîkîte maûndû maro rîrîa nie ngwîkîte maûndû macûku!

1Sam 24:17 ပူးပေါင်းရင်းမြစ်များ

Kîam 38:26

Juda nîwamenyire indo icio na akiuga atîrî, “Tamarû nî mûthingu kûngîra, nîûndû nînie nîraregire kûmûnenganîra kûrî mûvîcîwa Shela.” Juda ndaacoka kûmenyana kîîmwîrî nake rîngî.

Thaburi 37:6

Nîagaatûma ûthingu waku ûkenge ta ûtheri, na wega waku ta riûa rîarîte mûthenya.

Ntha 9:27

Nake mûthamaki nîwatûmanîre Musa na Aroni na akîmera atîrî, “Kavinda gaka nie nînjîvîtie, Ngai-Mûnene ekîte ûrîa kwagîrîrîte. Nwatî nie na andû akwa tûrî avîtiu.

Mathaayo 27:4

“Nie nînjîvîtie nîûndû wa gûcukanîrîra mûndû ûtevîtie nîguo aûragwe.” Nao nîmaamûcokerie atîrî, “Tue tûtiramaka nî ûguo, ûcio nî thîna waku.”

Mathaayo 5:44

Nwatî rîu nie nîramwîra atîrî: endagani nthû cienyu na mûvoyagîre arîa mamûnyariraga,

1Sam 26:17

Saûlo nîwamenyire mûgambo wa Daudi na nîwaûririe atîrî, “Daudi mûvîcîwa, nîwe?” Nake Daudi nîwacokirie atîrî, “Îî nînie mwathi wakwa mûthamaki.”

1Sam 26:21

Nake Saûlo nîwacokirie atîrî, “Nie nîmvîtîtie. Coka Daudi mwana wakwa! Ndigaacoka gûgwîka ûûru rîngî, nîûndû nîwamvonokia ûmûnthî. Nie nîrekariî ta kîrimû, na nîmbîkîte ûndû mûcûku mûno.”