1Sam 23:9 - ÎVUKU RÎA ÛVORO MWARO

⁹ Rîrîa Daudi aamenyire atî Saûlo aarî na mûvango wa kûmûtharîkîra, nîwerire Abiatharu mûthînjîri-Ngai atîrî, “Ndetere efodi ava.”

1Sam 23:9 ပူးပေါင်းရင်းမြစ်များ

1Atha 2:26

Mûthamaki Solomoni nîwacokire akîra mûthînjîri-Ngai Abiatharu atîrî, “Thiî vûrûrirî waku wa Anathothi. We wagîrîrwe nî gûkua, nwatî rîu tîngûûraga nîûndû nîwe wamenyagîrîra îthandûkû rîa kîrîkanîro Kîam Ngai-Mûnene rîrîa mwarî na vava Daudi, na nîwanyitanîrîte nake mathînarî make.”

Jeremia 33:3

“Mbîta na nîngûgwîtîka na ngwîre maûndû manene marî nthithorî marîa ûtaicî.

Hosea 3:4

Ûguo nwa ta guo andû a Isiraeli magatûûra îvinda îraca matarî na athamaki kana atongoria; matakûruta magongoona, itugî cia mathiga cia kûvoera, na matarî na efodi kana terafimu.

Ndari 27:21

Eliazaru, mûthînjîri-Ngai nîke ûkaamûmenyithagia wendi wakwa na njîra ya gûtûmîra Urimu na Thumimu. Na njîra îo, Eleazaru agaatongoragia Joshua na andû onthe a Isiraeli maûndûrî mao monthe.”

Ciîko 14:6

Na rîrîa Paûlo na Baranaba maamenyire ûvoro ûcio, nîmaaûrire makîthiî Listra na Deribe, matûûra marîa maarî vûrûrirî wa Likaonia, na makîthiî mavûrûrirî marîa maarî gûkuvî nakuo.

Ciîko 9:24

Nao nîmaamwetagîrîra kîvingorî Kîam îtûûra rîu makîenda kûmûûraga, nwatî Saûlo nîwamenyire mûvango ûcio wao.

1Sam 10:22

Kwoguo nîmaaûririe Ngai-Mûnene atîrî, “Nî kûrî na mûndû wîngî ûtarî ava?” Nake Ngai-Mûnene nîwacokirie na akiuga atîrî, “Taroria, Saûlo ethithîte kûrîa mîrigo igagwa.”

1Sam 14:18

Nake Saûlo nîwerire Ahija, ûrîa mûthînjîri-Ngai atîrî, “Rete îthandûkû rîa Kîrîkanîro rîa Ngai ava.” (Mûthenya ûcio, Ahija aathiîte arîkuîte arî mbere ya andû a Isiraeli.)

1Sam 22:20

Nwatî Abiatharu, ûmwe wa anake a Ahimeleku nîwaûrire na akîthiî kûrî Daudi.

1Sam 23:10

Daudi nîwaugire atîrî, “Ûûi Ngai-Mûnene, Ngai wa Isiraeli, nîmbîguîte atî Saûlo arî na mûvango wa gûka îtûûrarî rîa Keila na arîcûkangia nîûndû wakwa, nie ndungata yaku.

1Sam 23:6

Vîndî îrîa Abiatharu mûvîcî wa Ahimeleku aatorokire na akîthiî kûrî Daudi kûu Keila, nîwathiîre akuuîte efodi.

1Sam 23:8

Kwoguo Saûlo nîwetire athigari ake a mbaara mathiî Keila na matharîkîre nîguo marigicîrie Daudi na andû ake.

1Sam 30:7

Nake Daudi nîwerire mûthînjîri-Ngai Abiatharu mûvîcî wa Ahimeleku atîrî, “Ta ndetera efodi.” Nake Abiatharu nîwavirîre Daudi efodi.