1Sam 23:5 - ÎVUKU RÎA ÛVORO MWARO

⁵ Daudi marî na andû ake nîmaathiîre Keila na makîtharîkîra Afilisiti. Nîmaaûragire Afilisiti engî mûno na magîtava ng'ombe ciao. Ûguo nîguo Daudi aavonokirie îtûûra rîa Keila.

1Sam 23:5 ပူးပေါင်းရင်းမြစ်များ

2Sam 22:40

We nîwe ûmvecaga vinya wa kûrûa mbaara, na ûkamvotithia kûvoota nthû ciakwa.

Thaburi 18:38

Naagwîthirie nthû ciakwa, na itingîaûkîrire; ciamamire nthî mbere yakwa irî mvoote.

Thaburi 38:20

Acio mambîkaga naaî rîrîa ngûmeka waro, mareganaga nanie nîûndû mbîkaga maûndû marîa maro.

1Sam 19:8

Afilisiti nîmaambîrîrie mbaara rîngî na andû a Isiraeli. Daudi nîwarûire nao, akîmavoota nginya makîûra.

1Sam 23:4

Nake Daudi nîwavoire Ngai-Mûnene rîngî na Ngai-Mûnene akîmwîra atîrî, “Ûkîra, ûthiî Keila ûkatharîkîre Afilisiti, nîûndû nîngûkûvotithia kûmavoota.”

1Sam 23:6

Vîndî îrîa Abiatharu mûvîcî wa Ahimeleku aatorokire na akîthiî kûrî Daudi kûu Keila, nîwathiîre akuuîte efodi.