1Sam 23:3 - ÎVUKU RÎA ÛVORO MWARO

³ Nwatî andû arîa maarî na Daudi nîmaamwîrire atîrî, “Ethîrwa nîtûgwîtigîra tûrî gûkû Juda, kinthî tûtigeetigîra makîria twathiî Keila kûrûa na athigari a Afilisiti?”

1Sam 23:3 ပူးပေါင်းရင်းမြစ်များ

Thaburi 11:1

Nthiîcaga kûrî Ngai-Mûnene nîguo angitîre, mûngîvota kûmbîra atîa, “Gûrûka ta gîconi ûthiî irîmarî,

Jeremia 12:5

Ngai-Mûnene arauga atîrî, “Ethîrwa nîûcindanîte na arîa mathiîcaga na magûrû na ûkanoga, nwa ûvote gûcindana na mbarathi? Na ethîrwa we ûgûcaga kûrîa gûtarî na kîndû gîa gûkûvînga, ûgeka atîa mûtitûrî wa Jorodani?

1Sam 23:15

Daudi nîwamenyire atî Saûlo nîwavangîte kûmûraga. Vîndî îo Daudi aarî Horeshi werûrî wa Zifu.

1Sam 23:2

Kwoguo Daudi nîwaûririe Ngai-Mûnene atîrî, “Nthiî ngatharîkîre Afilisiti?” Nake Ngai-Mûnene nîwerire Daudi atîrî, “Îî thiî ûmatharîkîre na ûvonokie îtûûra rîa Keila.”

1Sam 23:23

Mûtuîrie waro na mûmenye kûrîa kuonthe ethithaga na mûcoke mûndetere ûvoro ûcio. Nanie nîngaacoka nthiî namue na ethîrwa arî wa vûrûrirî ûcio, nîngaamûcaria wana angîthîrwa nî kûmûcaria vûrûrirî wonthe wa Juda.”

1Sam 23:26

Saûlo na andû ake nîmaathiîre mwena ûmwe wa kîrîma, nake Daudi na andû ake maarî mwena ûcio wîngî. Wa ûrîa Daudi na andû ake maathiîcaga na îvenya nîguo maûrîre Saûlo na andû ake, nwaguo nake Saûlo na andû ake maakuvagîrîria kûmanyita.

1Sam 23:4

Nake Daudi nîwavoire Ngai-Mûnene rîngî na Ngai-Mûnene akîmwîra atîrî, “Ûkîra, ûthiî Keila ûkatharîkîre Afilisiti, nîûndû nîngûkûvotithia kûmavoota.”