1Sam 22:3 - ÎVUKU RÎA ÛVORO MWARO

³ Daudi nîwaumire kûu na akîthiî Mizipa vûrûrirî wa Moabu na akîra mûthamaki wa Moabu atîrî, “Nîrakûthaitha wîtîkîrie vava na nyanya mekare gûkû gwaku nginya rîrîa ngaamenya ûrîa Ngai akwenda nanie.”

1Sam 22:3 ပူးပေါင်းရင်းမြစ်များ

Kîam 47:11

Josefu nîwacokire akîva îthe na aa mûrwang'ina kûndû kwa gûtûûra. Nîwamavere vûrûri wa Misiri kûndû kûrîa kwarî kwaro mûno vakuvî na îtûûra rîa Ramesesi, wata ûrîa mûthamaki wa Misiri aaugîte.

2Sam 8:2

Nîwacokire akîvoota Amoabu na akîmeera mamame nthî marîte mîvari. Na wa varî andû athatû acio moovetwe nîwaûragire andû aîrî ao kana andû athatû ao. Kwoguo Amoabu nîmaatuîkire ndungata cia Daudi na makîambîrîria kûmûrutîra gooti.

Ntha 20:12

“Tîîa aguo na nyûkwe, nîguo ûtûûre mîaka mîîngî vûrûrirî ûrîa Ngai-Mûnene, Ngai waku agûkûva.

1Tim 5:4

Nwatî ethîrwa mûndûmûka wa ndigwa arî na ciana kana aa ûcûwe, mbere nîmagîrîrwe nî kûmenya ûrîa magîrîrwe nî gûtethia mûciî wao ta ûrîa mûkristiano agîrîrwe nî gwîka. Na njîra ta îno makaarîvaga aciari ao, nîûndû ûndû ûcio nîguo ûkenagia Ngai.

Atir 11:29

Roho wa Ngai-Mûnene nîwacokire ûgîtonya kûrî Jefitha, nake nîwaumire kûu akîvîtûkîra Gileadi na Manase na agîcoka Mizipa kûu Gileadi na akîthiî nginya agîkinya Amoni.

Ruthu 4:10

Vamwe na ûguo, Ruthu ûcio Mûmoabu, mûndûmûka ûcio watigirwe nî Mahaloni nîwatuîka mûka wakwa, nîguo ngagaa rîîtwa rîa ûcio wakwire, na rîîtwa rîa andû a mûciî wake rîthiî na mbere gatagatîrî ka andû ao na andû a îtûûra rîa kwao. Mue mûrî aira a maûndû mau mûthenya wa ûmûnthî.”

Ruthu 4:17

Aka arîa maatûûranîrîte nao nîmaatuîrîre kaana kau rîîtwa magîgeta Obedi. Nîmaacokire makîra andû onthe atîrî, “Naomi nîaciarîrîtwe kavîcî!” Obedi nîke warî îthe wa Jesse, nake Jesse nîke warî îthe wa Daudi.

1Sam 14:47

Vîndî îrîa Saûlo aatuîkire Mûthamaki wa Isiraeli, nîwarûire na nthû ciake cionthe kuuma mîena yonthe: Nîwarûire na Amoabu, andû a Amoni, Aedomu, athamaki a Zoba na Afilisiti. Nao andû onthe arîa ke aathiîcaga kûrûa nao, nîwamavootaga.

1Sam 22:2

Na andû onthe arîa maarî avinyîrîrie kana maarî na thirî kana meegucaga mateganîrîte, nîmaathiîre kûrî ke. Nao onthe maarî andû ta magana mana (400). Nake Daudi nîwatuîkire mûtongoria wao.

1Sam 22:4

Kwoguo Daudi nîwatigire aciari ake marî na mûthamaki wa Moabu na nîmeekarire na mûthamaki îvinda rîrîa rîonthe Daudi eethithîte ngurungarî.

1Sam 3:18

Kwoguo Samueli nîwamwîrire maûndû monthe atakûmûthitha wanarî ûndû. Nake Eli akiuga atîrî, “Ke nîke Ngai-Mûnene, tiga eke ûndû wa wonthe ûrîa ke akwona ûrî mwaro.”