1Sam 22:2 - ÎVUKU RÎA ÛVORO MWARO

² Na andû onthe arîa maarî avinyîrîrie kana maarî na thirî kana meegucaga mateganîrîte, nîmaathiîre kûrî ke. Nao onthe maarî andû ta magana mana (400). Nake Daudi nîwatuîkire mûtongoria wao.

1Sam 22:2 ပူးပေါင်းရင်းမြစ်များ

2Sam 17:8

We nî wicî atî Daudi na andû ake nî andû marî na vinya na methagîrwa marî aganu ta ngatûnyi îcuunîtwe ciana ciayo. Nake aguo nîwicî maûndû ma mbaara mûno na ndangîtîkîra kûraarania na andû ake.

2Sam 5:2

Wana mbererî rîrîa Saûlo aarî mûthamaki wetû, nîwe watongoririe andû a Isiraeli makîthiî mbaararî na makînûka. Ngai-Mûnene nîwakwîrîre atî nîûgaatuîka mûrîthi wa andû ake na ûtuîke mûtongoria wao.”

2Atha 20:5

“Coka kûrî Hezekia, mûtongoria wa andû a Ngai-Mûnene Ngai wa aguo Daudi, ûkamwîre nînegua îvoya rîaku na nînona methori maku. Nîngûkûvonia, na vuva wa mîthenya îthatû nîûkaathiî hekarûrî.

2Atha 4:1

Mûndûmûka ûmwe wa ndigwa warî mûka wa mûndû ûmwe wa gîkundi Kîam arathi nîwathiîre kûrî Elisha na akîmwîra atîrî, “Mûthuuriwa ararî ndungata yaku na nî mûkuû. Nîwicî atî ndungata îo yaku nîîretigîrîte Ngai-Mûnene, na rîu mûndû ûrîa ûramûkombithîtie mbeca nîwecîra anake akwa oîrî nîguo magatuîke ngombo ciake.”

Nthi 31:6

Njovi ndûrû îkundagua andû arîa marî vakuvî gûkua, nayo ndivei îkundagua andû arîa mecûrîtwe nî kîeva.

Mathaayo 11:12

Kuuma vîndî îrîa Johana Mûvatithania aambîrîrie kûvunjia nginya ûmûnthî, Ûthamaki wa Îgûrû nîwîthîrîtwe ûkîtharîkîrwa na vinya, na andû arîa matûmagîra vinya nîmageragia gûûcunana na vinya.

Mathaayo 11:28

“Ûkani kûrî nie, mue muonthe anogu na mûtitikîte mîrigo mîrito, na nîngûmûvurûkia.

Ahib 2:10

Ngai ûrîa ûmbaga na ûtûûragia indo cionthe, nîwonire kwagîrîrîte Jesû atuwe mwagîrîru na njîra ya kûthînîka na gûkua gwake, nîguo atûme andû eengî makinyîrwe nî riiri wake. Nîûndû Jesû nîke ûkinyagia andû ûvonokiorî.

Atir 11:3

Jefitha nîwaûrire akiuma kûrî aa mûrwang'ina na akîthiî gûtûûra vûrûrirî wa Tobu. Arî kûu Tobu, Jefitha nîwanyitanîre na gîkundi Kîam andû mataarî kîene na nîmaathiîcanagia nake makîtharîkagîra andû.

Atir 18:25

Nao andû a mûvîrîga wa Dani nîmaamwîrire atîrî, “Ndûkagwete ûndû wîngî nîûndû weka ûguo nîûkûrakaria andû aya na makûtharîkîre na maûrage andû onthe a mûciî waku.”

1Sam 1:10

Hana nîwegucaga ûrûrû mwîngî mûno ngororî yake, na nîwarîrire mûno na akîvoya kûrî Ngai-Mûnene.

1Sam 22:3

Daudi nîwaumire kûu na akîthiî Mizipa vûrûrirî wa Moabu na akîra mûthamaki wa Moabu atîrî, “Nîrakûthaitha wîtîkîrie vava na nyanya mekare gûkû gwaku nginya rîrîa ngaamenya ûrîa Ngai akwenda nanie.”

1Sam 23:13

Kwoguo Daudi na andû ake arîa maarî ta magana matandatû (600) nîmaaumire Keila na makîthiî kûrîa kuonthe mangîavotire kûthiî. Rîrîa Saûlo aamenyithirue atî Daudi nîmaaûrîte makauma Keila, nîwavangûrire mûvango wake.

1Sam 25:13

Nake Daudi nîwerire andû ake meyove mviû ciao. Nao onthe nîmeekire ûguo. Daudi wanake nîweyovire rûviû rwake na akîthiî na andû ta magana mana, na agîtiga andû magana maîrî mekarîtie mîrigo.

1Sam 30:6

Vîndî îo Daudi aarî na thîna nyîngî, nîûndû andû ake maarî na marûrû meengî mûno nîûndû wa kûûrîrwa nî ciana ciao. Nao nîmeendaga kûriva Daudi na mathiga, nwatî nîweyûmîrîrie nîûndû wa kwîvoka Ngai-Mûnene, Ngai wake.

1Sam 9:16

“Rûciû îthaarî wata rîrî, nie nîngaatûma mûndûmûrûme kuuma mûvîrîgarî wa Benjamini aûke kûrî we; we nîûkaamwîtîrîria maguta nîguo atuîke mûthamaki wa andû akwa a Isiraeli, na nîke ûkaavonokia andû akwa kuuma kûrî Afilisiti. Nie nîmonete ûrîa andû akwa marî na ruuo na nîmbîguîte makîmvoya ûtethio.”