1Sam 21:4 - ÎVUKU RÎA ÛVORO MWARO

⁴ Nake mûthînjîri-Ngai nîwacokerie Daudi atîrî, “Ndirî na mîgate îrîa tûmenyerete kûrîa, nwatî varî na mîgate îrîa mîamûrîre Ngai. Nwa mûmîoce ethîrwa andû aku matimenyanîte kîîmwîrî na aka kavinda gakuvî.”

1Sam 21:4 ပူးပေါင်းရင်းမြစ်များ

Ntha 19:15

Musa nîwamerire atîrî, “Îîvarîrieni mbere ya mûthenya wa kathatû na andû matikamenyane kîîmwîrî.”

Ntha 25:30

Nayo metha igwe mbere ya îthandûkû rîa kîrîkanîro. Na îgûrû rîayo vethagîrwe vîndî cionthe varî na mûgate ûrîa nyamûrîrîtwe.”

Alawi 15:18

Mûndûmûrûme angîmenyana kîîmwîrî na mûndûmûka na arute vinya wake wa ûciari, andû acio oîrî nwanginya makethambia, na magekara matarî atheru nginya kîvwaî.

Zakaria 7:3

na maûrie athînjîri-Ngai arîa matungataga hekarûrî ya Ngai-Mûnene mwene vinya wonthe na arathi atîrî, “Nîwaro tûthiî na mbere gûcakaya na kwînyerekia mwerirî ûyû wa gatano ta ûrîa tûtwîre twîkaga mîaka mîîngî?”

1Akor 7:5

Mûtikaaimanage mîîrî yenyu, tiga nwanga mûrîkanîrîte atî nîmûgwîkara mûtakûmenyana kîîmwîrî gwa kavinda kanini nîguo mûgîcage na kavinda ga kûvoya. Nwatî vuva wa kavinda kau cokanagîrani wa rîngî nîguo Caitani ndakamûgerie nîûndû wa gûtura ûvoti wa kwatha merirîria ma mwîrî.

1Sam 21:3

Rîu nîndûî ûrî nakîo? Mva mîgate îtano kana kîndû kîngî wa kîonthe kîrîa wî nakîo.”

1Sam 21:6

Kwoguo mûthînjîri-Ngai nîwavere Daudi mîgate îo mîamûre, nîûndû ndaarî na mîgate îngî tiga îrîa yamûrîrîtwe Ngai. Nayo yarutîrwe metharî îrîa nyamûre na vakaigwa mîgate îngî ya kûrugwa wa rîo.