1Sam 20:8 - ÎVUKU RÎA ÛVORO MWARO

⁸ Kwoguo nînîrakûthaitha ûvingie kîrîkanîro kîtheru kîrîa twarîkanîre nawe. Nwatî ethîrwa nîmûvîtiu, mbûraga arî we! Nîûmvira kûrî aguo nîguo ambûrage nîkî?”

1Sam 20:8 ပူးပေါင်းရင်းမြစ်များ

Kîam 24:49

Rîu-î, mbîrani kana nîmûkwathîkîra mwathi wakwa na mûmwîke ûrîa kwagîrîrîte. Ethîrwa tî guo mbîrani, na nîngûmenya ûrîa ngwîka.”

Kîam 47:29

Kavinda ka Jakovu gûkua gakûvîvîria, nîwetire mûvîcî Josefu na akîmwîra atîrî, “Ethîrwa nie nîmbîtîkîrîkîte nîwe, tonyia njara ciaku gatagatî ga ciaû ciakwa na wîranîre nama atî ndûkanthika Misiri.

2Sam 14:32

Abusalomu nîwacokerie Joabu atîrî, “Nîûndû nîwaregire gûka vîndî îrîa naagûtûmanîre. Nendaga ûûke nîguo ngûtûme kûrî mûthamaki ûkamûrie atîrî, ‘Nîndûî gîatûmire nyume Geshuri mbûke gûkû? Kûngîarî waro makîria nîngîekarire wa kuo.’ Kwoguo nîrenda ûvange ûrîa nîngîvota kûonana na mûthamaki na ethîrwa nîrî na mavîtia, tiga mûthamaki ambûrage.”

1Maû 12:17

Daudi nîwathiîre kûmatûnga na akîmera atîrî, “Ethîrwa mûkîte na thayû nîguo mûndethie, nîtûkûnyitanîra namue. Nwatî ethîrwa mûkîte mûngunyanîre kûrî nthû ciakwa na gûtirî mûndû wana ûrîkû nie mwene mbîkîte ûndû mûcûku, Ngai wa methe metû nîakûmwona na nîakûmûverithia.”

Thaburi 116:11

Wana rîrîa netigagîra nînaugire: “Andû onthe tî evokeku.”

Nthi 3:3

Ndûkareke wathîki na wîvokeku ciume kûrî we; ciovagîrîre ngingorî ta mûkathî, na ûciandîke ngororî yaku.

Ciîko 25:11

Ethîrwa nîmunîte watho na ngeka ûndû ûngîtûma nduîrwe kûûragwa, nie ndirauga ndigatuîrwe kûûragwa. Nwatî ethîrwa maûndû mau nthitangîtwe nîûndû wamo matirî na ûma, gûtirî mûndû ûrî na kîvooto gîa kûnenganîra kûrî o. Nie nînacokia ciira riiko kûrî mûthamaki wa Roma.”

Josh 2:14

Nao arûme acio nîmaamwîrire atîrî, “Ethîrwa ndûkeera mûndû wana ûrîkû ûrîa twîthîrîtwe tûgîka, nîtûkwîranîra na ma atî nîtûgaakwîguîra ntha rîrîa Ngai-Mûnene agaatûvotithia kwîgwatîra vûrûri ûyû. Na tûngîkaarega kûvingia ûguo tweranîra, Ngai nîagaatûûraga.”

Josh 22:22

“Ngai Ûmwe ûrîa ûrî Vinya, nîke Ngai-Mûnene! Ngai Ûmwe ûrîa ûrî Vinya, nîke Ngai-Mûnene! Ke nîwicî kîrîa gîatûmire twîke ûguo na nîtûkwenda wanamue mûmenye. Ethîrwa nîtwekire ûndû mûcûku na tûkîthûkia kîrîkanîro gîetû na Ngai-Mûnene, ndûkareke tûtûûra mwoyo!

Ruthu 1:8

Naomi nîwamerire atîrî, “Cokani kwenyu mîciî wa mûndû agekare na ng'ina. Ngai-Mûnene aromwîka maûndû maro wata ûrîa mûmbîkîte waro na mûgeka acio marîkîtie gûkua.

1Sam 18:1

Rîrîa Saûlo na Daudi maarîkirie kwaria, Jonathani mûvîcî wa Saûlo nîwagucîrîrue mûno nî Daudi na Jonathani akîenda Daudi wata ûrîa eyendete ke mwene.

1Sam 18:3

Jonathani nîwendire Daudi mûno na kwoguo nîwathondekire kîîranîro na Daudi, atî magaatûûra marî arata.

1Sam 20:16

ndûkarege kûvingia kîîranîro gîetû nawe. Ûngîkaarega gûkîvingia, Ngai-Mûnene nîagaakûverithia.”

1Sam 20:9

Nake Jonathani nîwacokirie atîrî, “Ndûgaîcirie ûndû ta ûcio! Nîûndû kethîrwa nwa menye na ma atî vava nîatuîte nîagûgwîka naaî, kinthî twa ngwîre?”

1Sam 23:18

Nao oîrî nîmaathondekire kîîranîro kîtheru Kîam ûrata mbere ya Ngai-Mûnene. Vuva wa ûguo, Daudi nîwekarire kûu Horeshu nake Jonathani akînûka mûciî.