1Sam 20:5 - ÎVUKU RÎA ÛVORO MWARO

⁵ Daudi nîwacokirie atîrî, “Rûyû nîrîo kûrî na kîrugo gîa karûngamo ka mweri na mbagîrîrwe nî kûrîcanîra na mûthamaki. Nwatî tiga nthiî ngethithe nginya kîvwaî Kîam mûthenya wa kathatû.

1Sam 20:5 ပူးပေါင်းရင်းမြစ်များ

2Atha 4:23

Nake mûrûme nîwamûûririe atîrî, “Ûrenda kûthiî ûmûnthî nîkî? Ûmûnthî tî thavatû, wana tî kîrugo gîa karûngamo ka mweri.” Nake mûka nîwamwîrire atîrî, “Ndûkamake.”

Thaburi 55:12

Kethîrwa nî nthû yakwa îranyûrûria nînîngîaûmîrîria; kethîrwa nî nthû yakwa îranîtîîra nîngîithitha ndîkamone.

Thaburi 81:3

Vuvani karumbeta mwanîrîre kîrugo Kîam mweri wacicûka, na kîrugo gîetû vîndî îrîa mweri ûramakia nthinwa.

Nthi 22:3

Mûndû mûûgî onaga thîna îgîûka akamîûrîra, nwatî mûndû mûritu eviraga thînarî akanyitwa nîyo.

Amosi 8:5

mûkiugaga ngororî cienyu atîrî, “Kîrugo Kîam mweri mûcerû gîkathira rî, nîguo twendie irio cietû cia mûgûnda? Thavatû îkaathira rî, twambîrîrie kwendia ngano cietû, na tûcenjia ithimi irîa tûthimaga nacio, nîguo tûveenie andû?

Ndari 10:10

Mîthenya yenyu ya gîkeno, irugo cia mweri ûgîcicûka, na irugo icio ciîngî vuvagani tûrumbeta rîrîa mûkûruta matega ma kûvîvua na matega ma thayû. Tûrumbeta tûu tûgaatûmaga mûririkane Ngai wenyu. Nie nînie Ngai-Mûnene, Ngai wenyu.”

Ndari 28:11

“Kîambîrîria Kîam wa mweri wonthe mûkaarutagîra Ngai-Mûnene îtega rîa kûvîvua rîa ndegwa igîrî itarî ngûrû, ndûrûme îmwe, na tûtûrûme mûgwanja twa ûkûrû wa mwaka ûmwe na tûtarî na wonje.

Johana 8:59

Nao nîmoocire mathiga nîguo mamwikie, nwatî Jesû nîwethithire na akiuma kûu hekarûrî.

Ciîko 17:14

Na wa rîo, etîkia nîmaatûmire Paûlo athiî rûtererî rwa îria, nwatî Sailasi na Timotheo nîmeekarire kûu Berea.

Akol 2:16

Kwoguo mûtikaanetîkîrie mûndû wana ûrîkû amûtuîre kîrîa mûkûrîa, kana kîrîa mûkûnyua wana kana ûrîa mûkûrûmîrîra mîthenya mîthuure, kana irugo cia mweri mûcerû, wana kana thavatû.

1Sam 19:2

Kwoguo Jonathani nîwerire Daudi atîrî, “Vava nîarenda gûkûûraga. Kwoguo îîmenyerere rûyû kîraûko ûkeethitha vandû ûtakwonwa na wîkare vo.

1Sam 20:18

Jonathani nîwacokire akîîra Daudi atîrî, “Rûyû nîrîo kîrugo Kîam karûngamo ka mweri na nîgûkaamenyekana atî we ndûrî kuo.

1Sam 20:19

Mûthenya wa kathatû gûkaamenyekana makîria atî ndûrî kuo, kwoguo thiî varîa wethithîte vîndî îrîa îngî, na wîthithe vau vuva ya kîrûndo Kîam mathiga.

1Sam 20:24

Kwoguo Daudi nîwethithire mûgûndarî. Na rîrîa kîrugo Kîam karûngamo ka mweri gîakinyire, mûthamaki Saûlo nîwaûkire kûrîa irio.

1Sam 20:27

Mûthenya wa kaîrî vuva wa kîrugo Kîam karûngamo ka mweri, varîa Daudi eekaraga vatiarî na mûndû. Saûlo nîwaûririe mûvîcî Jonathani atîrî, “Daudi mûvîcî wa Jesii araregire gûka kîrugorî îgoro wana ûmûnthî nîkî?”

1Sam 20:4

Nake Jonathani nîwerire Daudi atîrî, “Nîngûgwîkîra ûndû wa wonthe ûrîa ûkwenda mbîke.”

1Sam 20:6

Aguo angîkaandura na aûrie kûrîa nîrî ûkaamwîra atî nînîrakûvoire rûtha nîguo nthiî mûciî Bethilehemu nîûndû kûrî na kîgongoona kîrîa kîrutagwa wa mwaka nî andû onthe a mûciî wetû.