1Sam 20:21 - ÎVUKU RÎA ÛVORO MWARO

²¹ Nîngaacoka mbîîre ndungata yakwa îthiî îgacarie mîguî îo. Na nîngîkera ndungata îo atîrî, ‘Taroria mîguî îrî mwena ûcio ûrî, mîoce,’ vîndî îo nîûkaamenya atî kûrî na thayû na nwa umîre. Nînevîta na Ngai-Mûnene ûrîa ûtûûraga mwoyo atî gûtikethîrwa kûrî na ûgwati.

1Sam 20:21 ပူးပေါင်းရင်းမြစ်များ

Jeremia 12:16

Na nîgûgakinya atî ethîrwa nîmagetîkîra na kinyi kûrûmîrîra wîtîkio wa andû akwa na mevîte na rîîtwa rîakwa, ‘Wata ûrîa Ngai-Mûnene atûûraga mwoyo,’ ta ûrîa vîndî îmwe mathomithîtie andû akwa kwîvîta na Baali, nîmagacoka mathereme marî gatagatîrî ka andû akwa.

Jeremia 4:2

na mûngîîvîta mûrî na ûûma, kîvooto na ûthingu, mûkiugaga, ‘wata ûrîa Ngai-Mûnene atûûraga mwoyo,’ vîndî îo mavûrûri nîmakaarathimwa, na magîe na riiri nîûndû wakwa.”

Jeremia 5:2

Wana ethîrwa nîmaugaga: “Wata ûrîa Ngai-Mûnene atûûraga mwoyo,” kwîvîta kwao nî kwa maveeni.

Amosi 8:14

Nao arîa mevîtaga na Ngai ya mîvuanano ya Samaria makiugaga: ‘Wata ûrîa ngai ya Dani îtûûraga mwoyo,’ na makauga rîngî, kana ‘Wata ûrîa ngai ya Beerisheba îtûûraga mwoyo,’ andû acio nîmakagwa na matigaûkîra rîngî.”

1Sam 20:20

Nîngaacoka mbikie mîguî îthatû mwenarî wa kîrûndo kîu Kîam mathiga takwa arî kîo nîraratha.

1Sam 20:22

Nwatî nîngîkera ndungata îo atî, ‘Mîguî îrî mbere yaku,’ vîndî îo ûkaathiî nîûndû Ngai-Mûnene nîakethîrwa akîenda ûthiî.

1Sam 20:36

Jonathani nîwerire kamwanake kau atîrî, “Vinyûra ûgacarie mîguî îrîa ngwikia.” Mwanake ûcio nîwavinyûrire, nake Jonathani agikia mîguî mbere yako.