1Sam 20:12 - ÎVUKU RÎA ÛVORO MWARO

¹² Nake Jonathani nîwerire Daudi atîrî, “Ngai-Mûnene, Ngai wa Isiraeli arotuîka mûira wetû! Rûyû kana mûthenya wa kathatû îthaa wata rîîrî nîngaaûria vava ûvoro ûcio. Ethîrwa mworoto wake kûrî we nî mwaro, nîngaakûmenyithia.

1Sam 20:12 ပူးပေါင်းရင်းမြစ်များ

2Sam 21:7

Nwatî Daudi nîwavonokirie Mefiboshethu, mûvîcî wa Jonathani. Jonathani aarî mûvîcî wa Saûlo. Daudi aavonokirie Mefiboshethu nîûndû wa mwîvîtwa ûrîa ke mwene na Jonathani meevîtanîrîte mbere ya Ngai-Mûnene.

Ayubu 31:4

Ngai nîecî njîra ciakwa, na akamenya ciîko ciakwa cionthe.

Thaburi 17:3

We nîwicî ngoro yakwa, nîûkîte kûrî nie ûtukû, nîûnduîrîtie waro viû, na ûkamenya atî ndiaragia maûndû macûku.

Nthi 20:5

Meciria ma mûndû nîta manjî marî kîthimarî kîrikîru, nwatî mûndû mûûgî nwa avote kûmatava.

Josh 22:22

“Ngai Ûmwe ûrîa ûrî Vinya, nîke Ngai-Mûnene! Ngai Ûmwe ûrîa ûrî Vinya, nîke Ngai-Mûnene! Ke nîwicî kîrîa gîatûmire twîke ûguo na nîtûkwenda wanamue mûmenye. Ethîrwa nîtwekire ûndû mûcûku na tûkîthûkia kîrîkanîro gîetû na Ngai-Mûnene, ndûkareke tûtûûra mwoyo!

1Sam 20:11

Jonathani nîwacokerie Daudi atîrî, “Ûka tûthiî mûgûndarî.” Kwoguo nîmaathiîre mûgûndarî wa oîrî.

1Sam 20:13

Nwatî ethîrwa arî na mworoto wa gûgwîka ûûru, Ngai-Mûnene arombûraga ethîrwa nîngaarega gûkumbûrîra ûndû ûcio nîguo ûvonoke. Ngai-Mûnene aroîkara nawe wata ûrîa arekaraga na vava.

1Sam 23:18

Nao oîrî nîmaathondekire kîîranîro kîtheru Kîam ûrata mbere ya Ngai-Mûnene. Vuva wa ûguo, Daudi nîwekarire kûu Horeshu nake Jonathani akînûka mûciî.