1Sam 20:1 - ÎVUKU RÎA ÛVORO MWARO

¹ Daudi nîwacokire akiuma Naiothu kûu Rama akîthiî kûrî Jonathani na akîmûria atîrî, “Nîkwa mbîkîte atîa? Mavîtia makwa nîmarîkû? Nî îvîtia rîrîkû mvîtîrîtie aguo narîo rîa gûtûma ende kûmbûraga?”

1Sam 20:1 ပူးပေါင်းရင်းမြစ်များ

Thaburi 54:3

Andû arîa etîi nîmarantharîkîra, andû arîa aganu nîmarenda kûmbûraga, andû arîa matarûmbûyanagia na ûvoro wa Ngai.

2Akor 1:12

Ûrîa ûratûma twîtîîe na nwa mvote kuga nîrî na thamiri ntheru atî, maûndûrî monthe marîa twîkîte gûkû nthî na makîria kûrî mue, tue twarî na wîvokeku na ngoro ntheru kuuma kûrî Ngai. Twekire ûguo na njîra ya wega wa Ngai na tî na ûûgî wa ûmûndû.

2Pet 2:9

Kwoguo Mwathani nîwîcî kûvonokia andû arîa marî na ûngai kuuma mageriorî na kwiga arîa aganu makîverithagua nginya rîrîa mûthenya wa îtuîro ûgaakinya.

1Joh 3:21

Kwoguo arata akwa, ethîrwa thamiri cietû itiratûtuîra tûkethagîrwa tûrî na ûmîrîru tûrî mbere ya Ngai.

1Sam 12:3

Rîu nie nîrî ava. Ethîrwa kûrî na ûndû mûcûku naneka, nthitangani rîu tûrî mbere ya Ngai-Mûnene na mbere ya mûthamaki ûrîa ke eetîrîrie maguta. Nanaîa ng'ombe kana mvunda ya mûndû? Nanacuuna mûndû kîndû na njîra ya maveeni, kana ngakinyîrîria mûndû? Nanetîkîra gwoca îvaki kuuma kûrî mûndû wana ûrîkû? Ethîrwa naneka ûmwe wa maûndû mama, nie nîngûrîva.”

1Sam 19:1

Saûlo nîwerire mûvîcî Jonathani vamwe na ndungata ciake cionthe atî nîatuîte kûûraga Daudi. Nwatî Jonathani nîwendeete Daudi mûno.

1Sam 19:18

Nake Daudi nîwaûrire na akîthiî kûrî Samueli kûu Rama na akîmwîra ûrîa wonthe Saûlo amwîkîte. Vuva wa ûguo Daudi na Samueli nîmathiîre Naiothu gûtûûra kuo.

1Sam 20:2

Nake Jonathani nîwamûcokerie atîrî, “Ûguo ûroaga gwîkîka! We tîûkua. Gûtirî ûndû wanarî ûmwe vava angîka atambîrîte, ûrî mûnene kana ûrî mûnini. Na ndangînthitha ûndû ûcio. Ûcio tî ûvoro wa ma!”

1Sam 20:32

Jonathani nîwacokerie îthe Saûlo atîrî, “Nîndûî gîgûtûma akue? Nîkwa ekîte atîa?”

1Sam 24:11

Taroria, vava, taroria wone gîcûrî Kîam nguo yaku îrîa ndaca gîkî nyitîte! Nîngîkûragire, nwatî vandû va gwîka ûguo nie nîndinirie gîcûrî gîkî Kîam nguo yaku. Kwoguo menya atî nie ndirî na meciria ma kûregana nawe kana ma gûgwîka ûûru. Ndirî mûkûvîtîriu wana ethîrwa nîûrenda kûmbûraga.

1Sam 24:12

Ngai-Mûnene arotûtuîra we nanie onanie ûrîa wîvîtie! Ngai-Mûnene arokûverithia nîûndû wa ûrîa ûrambîka, nwatî nie ndingîgwîka ûndû mûcûku wanarî vanini.

1Sam 24:17

Nake nîwerire Daudi atîrî, “We ndûrî na mavîtia, nwatî nie mvîtîtie. Nîûmbîkîte maûndû maro rîrîa nie ngwîkîte maûndû macûku!

1Sam 24:9

na akîîra Saûlo atîrî, “Nîndûî gîtûmaga ûthikîrîrie andû arîa makwîraga atî, Daudi nîarenda gûkûgera ngero?

1Sam 26:18

Ke nîwacokire akiuga rîngî atîrî, “Nîndûî kîratûma mwathi wakwa ûnûmîrîrie nginya rîu, nie ndungata yaku? Ngwîkîte atîa? Nî ûûru ûrîkû mbîkîte?