1Sam 2:8 - ÎVUKU RÎA ÛVORO MWARO

⁸ Nîarutaga mûthîni rûkûngûrî, na agaûkîrîria arîa athîni makauma mathînarî. Ngai-Mûnene nîatûmaga andû acio matuîke arata a anene, na agatûma mekarîre itî cia ûnene. Ngai-Mûnene nîke mwene itugî irîa itiirîrîrîte nthî îno, nîke wigîrîrîte nthî îgûrû rîacio.

1Sam 2:8 ပူးပေါင်းရင်းမြစ်များ

Kîam 41:14

Mûthamaki nîwacokire agîtûmanîra Josefu, na Josefu nîwarutirwe njeera na îvenya mûno. Josefu arîkia kwenja nderu na gwîkîra nguo ciîngî, nîwathiîre mbere ya mûthamaki.

Kîam 41:40

We nîwe ngûtua mûrûngamîrîri wa vûrûri wakwa. Andû onthe akwa magekaga ûrîa wathana. Gûtirî mûndû wîngî ûkethagîrwa arî mûnene gûgûkîra tiga nie.

2Sam 7:8

“Kwoguo îra ndungata yakwa Daudi, atî nie Ngai-Mûnene mwene vinya wonthe nîramwîra atîrî, ‘Nie naakûrutire kîthakarî kûrîa warîthagia ng'ondu nîguo ûtuîke mûtongoria wa andû akwa a Isiraeli.

1Atha 16:2

“We warî mûndû ûtarî na vata, nwatî nînaagûtûgîririe na ngîgûtua mûtongoria wa andû akwa, Aisiraeli. Na rîu nîwîvîtie ta Jeroboamu na ûgatûma andû akwa, Aisiraeli mevie, namo mevia mao magatûma ndakare.

2Atha 9:6

Andû acio oîrî nîmaacokire magîtonya nyomba, na mûrathi ûcio agîtîrîria Jehu maguta kîongorî gîake na akîmwîra atîrî, “Ngai-Mûnene Ngai wa Isiraeli arauga atî, ‘Nagwîtîrîria maguta ûtuîke mûthamaki wa andû akwa a Isiraeli.

Ayubu 1:21

na akîvoya akiuga atîrî, “Naciarirwe ndarî na kîndû na ngakua ndarî na kîndû. Nî Ngai-Mûnene wavecanire na nîke wacoka gwîcîra, rîîtwa rîake rîrogoocwa!”

Ayubu 2:8

Ayubu nîwocire rûgîo na akîambîrîria kwîthûa ironda naruo ekarîte vandû mûurî.

Thaburi 102:25

Tene mûno nîwaûmbire nthî, na îgûrû nî wîra wa njara ciaku.

Thaburi 104:5

Nîwe wavandire nthî waro îgûrû rîa mîcingi wayo, na ndîkenyenyeka tene na tene.

Thaburi 107:41

Nwatî nîwavonokirie arîa ngîa kuuma mathînarî mao, na agîtûma andû a nyomba yao mongerereke ta ndîthia ya ng'ondu.

Thaburi 24:2

Aaûmbire mûcingi wa nthî îgûrû rîa îria, na akîmiga îîkindîrîtie îriarî kûrîa kûriku.

Thaburi 75:3

Nthî nîkainaiana na indo cionthe irîa irî kuo, nie nînie nyitagîrîra mîcingi yayo.

Thaburi 75:4

Mbîraga andû arîa aganu matigetîîe; na andû arîa aganu matige gwîtûgîria.

Thaburi 75:7

Ngai ke mwene nîke mûtucanîri, nîatucagîra amwe atî marî na mavîtia, na agatuîra engî atî matirî na mavîtia.

Mûvunjia 4:14

wana ethîrwa mwanake ûcio aumîte njeera na rîu nî mûthamaki kana ethîrwe aciarîtwe arî mûthîni na rîu nî mûthamaki.

Isaia 22:23

Nîngaavanda Eliakimu na kinyi ta mûcumarî ûvûrîrîtwe vandû na nîakaavewa gîtîîo nî andû a nyomba ya îthe.

Danieli 2:48

Mûthamaki nîwacokire agîtua Danieli mûnene na akîmûva iveo nyîngî, na akîmûtua mûndû wa kwatha vûrûri wonthe wa Babuloni wana akîmûtua mûrûngamîrîri wa andû onthe arîa maataaraga mûthamaki.

Danieli 4:17

Îtua rîîrî rîathanirwe kûvîtûkîrîra kûrî mûrangîri ûrîa mûvinyaru. Kwoguo andû onthe a nthî nîmamenye atî Ûrîa ûrî Îgûrû Mûno nîke wathaga mothamaki na andû, na nîke ûvecanaga ûthamaki kûrî mûndû ûrîa akwenda, wana ethîrwa nî mûndû ûrîa ûtarî îgweta.”

Danieli 6:3

Wîra wa Danieli nîwonekire ûrî mwaro mûno gûkîra wa arûngamîrîri na anene acio engî onthe, nîûndû ethagîrwa arî na ngoro mbaro. Kwoguo mûthamaki nîwamûtwire mûrûngamîrîri wa vûrûri wonthe.

Ahib 1:3

Ke onanagia ûkengu wa riiri wa Ngai na akonania mûvano wa ma wa ûrîa Ngai ekariî. Nîanyitîrîte nthî yonthe na kiugo gîake kîrîa kîrî vinya. Vuva wa kûtheria mevia ma mûndû, nîwekarire mwena wa ûrîo wa Ngai mwene vinya wonthe kûu îgûrû.

Jakuvu 2:5

Tathikîrîriani arata akwa ende! Ngai aathuurire andû arîa athîni gûkû nthî nîguo matuîke itonga cia wîtîkio na magae ûthamaki ûrîa Ngai erîîre arîa mamwendete.

Kûguû 1:6

na nîwatûtuire rûrîrî rwa athînjîri-Ngai a gûtungatîra Ngai ûrîa Îthe wake. Riiri na vinya irogîa kûrî Jesû Kristû tene na tene! Ameni.

Kûguû 22:5

Gûtigacoka kûgîa na ûtukû, na matikethîrwa makîvatara taa kana ûtheri wa riûa, nîûndû Mwathani Ngai nîke ûkethagîrwa arî ûtheri wao. Na nîmakaathana marî athamaki tene na tene.

Kûguû 3:21

Arîa makaavootana, nîngaamava rûtha rwa gwîkara mwenarî wakwa gîtîrî gîakwa Kîam ûthamaki wata ûrîa wananie naavootanire na rîu mbîkarîte mwenarî wa Vava gîtîrî gîake Kîam ûthamaki.

Kûguû 5:10

We nîûmatuîte rûrîrî rwa athînjîri-Ngai a gûtungatîra Ngai na nîmakaathana gûkû nthî.”

1Sam 15:17

Nake Samueli nîwerire Saûlo atîrî, “Wana ethîrwa wîyonaga takwa ûtarî vata, Ngai-Mûnene nîwagwîtîrîrie maguta ûtuîke mûthamaki wa Isiraeli,