1Sam 2:5 - ÎVUKU RÎA ÛVORO MWARO

⁵ Andû arîa meethagîrwa marî na irio nyîngî, rîu nîkwa marutaga wîra nîguo moone irio. Nwatî andû arîa meethagîrwa marî avûtu, rîu marî na irio. Mûndûmûka ûrîa warî nthata, rîu nîmûciaru ciana mûgwanja. Nwatî mûndûmûka ûrîa ûrî na ciana nyîngî, rîu atigîtwe atarî na mwana wana ûmwe.

1Sam 2:5 ပူးပေါင်းရင်းမြစ်များ

Thaburi 113:9

Ngai-Mûnene nîavecaga mûndûmûka nthata mûciî; na agatûma agîe na gîkeno nîûndû wa kûmûva ciana. Kumiani Ngai-Mûnene!

Thaburi 34:10

Wana mînyambû nîîvûtaga watura gîa kûrîa, nwatî andû arîa mavoyaga Ngai-Mûnene matituraga indo mbaro.

Isaia 33:9

Nthî îrî na kîeva na îkarega gûciara maciaro, mîtî ya Lebanoni nî mîûmû; Kîamnda kînoru gîa Sharoni gîkariî ta werû, nayo mîtî ya Bashani na Karimeli nî mîrivarivûku mathangû ma yo.

Isaia 54:1

Ngai-Mûnene arauga atîrî, Ina, we mûndûmûka nthata we ûtaanaciara, ugîrîria na wine na vinya, we ûtaanegua ruuo rwa gûciara. Nîûndû ciana cia mûndûmûka ûrîa ûtigîtwe nî nyîngî, gûkîra cia mûndûmûka ûrîa ûrî na mûrûme!

Jeremia 15:9

Mûndûmûka ûrîa warî na îgweta rîa kwîthîrwa na twana mûgwanja, rîu nîtûrathirire tuonthe wa rîmwe, nî araikirie nthari, riûa rîake rîrathûire kûrî mûthenya. Nîatuîkîte wa gûconorithua na kûnyararwa, nao arîa maatigarire matarî akuû, nîngamatiganîria maûragwe nî nthû ciao. Ûguo nîguo nie Ngai-Mûnene nîrauga.”

Luka 1:53

Arîa avûtu nî amavaithîtie na indo mbaro, na akengata itonga ithiî njara ntheri.

Luka 16:25

“Nwatî Iburahimu nîwamwîrire atîrî, ‘Mwana wakwa, taririkana atî kavinda karîa warî mwoyo nîwavetwe maûndû monthe maro, nake Lazaro akavewa maûndû monthe macûku. Nwatî rîu Lazaro arî gîkenorî nawe ûrî mathînarî.

Agal 4:27

Nîûndû mandîkorî matheru kwandîkîtwe atîrî: “Kena we mûndûmûka ûyû ûtagîcaga ciana! Ina na wanîrîre ûrî na gîkeno, we ûtaanegua ûrûrû wa kûgîa na mwana. Nîûndû mûndûmûka ûrîa watigirwe, nî akaagîa na ciana nyîngî gûkîra ûrîa ûtaanatigwa nî mûthuuri wake.”

Ruthu 4:15

Mûka wa mûvîcîguo nîakwendete na nîagwîkîrîte maûndû mengî gûkîra anake mûgwanja. Na rîu nîagûciarîrîte mûndû wa gûkûgaa ûrîa ûgaatûma ûcokwe nî vinya akûmenyagîrîre ûkûrûrî waku.”

1Sam 1:20

Kwoguo vîndî îrîa kavinda kagîrîru gaakinyire, Hana nîwagîre nda na agîciara kavîcî. Ke aagatuîrîre rîîtwa Samueli na akiuga atîrî, “Nie naavoire Ngai-Mûnene amve ko.”

1Sam 1:6

Nake Mwîruwe, Penina nîwarakaragia na akathirîkia Hana ngororî, nîûndû Ngai-Mûnene ndaaveete Hana ciana.