1Sam 2:30 - ÎVUKU RÎA ÛVORO MWARO

³⁰ Kwoguo nie Ngai-Mûnene, Ngai wa Isiraeli nînerîrîte andû a mûciî waku wana andû a mûvîrîga waku, atî makandungatagîra marî athînjîri-Ngai vîndî cionthe. Nwatî rîu nîrauga atî ûndû ûcio ndingîtîkîria ûthiî na mbere rîngî. Vandû va ûguo, nie ngatîîaga andû arîa mandîaga, nao arîa manyararaga ngaamatucaga ta andû matarî na vata.

1Sam 2:30 ပူးပေါင်းရင်းမြစ်များ

1Atha 11:11

Kwoguo Ngai-Mûnene nîwerire Solomoni atîrî, “Nîûndû nîûregete kwathîkîra kîrîkanîro gîakwa wana irîra cia watho wakwa, na ma nîngûgûcuna ûthamaki na nîûnenganîre kûrî ndungata îmwe yaku.

1Atha 2:27

Kwoguo Solomoni nîwatigithirie Abiatharu gûtungata arî mûthînjîri-Ngai wa Ngai-Mûnene, na kwoguo Solomoni nîwavingirie ûrîa Ngai-Mûnene aaugîte arî Shilo wîgiî Eli na njiarwa ciake.

1Maû 17:18

Nie Daudi ndungata yaku nîngiuga atîa makîria. We nîûmbicî na nîûmvete gîtîîo.

2Maû 15:2

Nîwathiîre gûtûnga mûthamaki Asa na akîmwîra atîrî, “Asa, wana andû onthe a Juda na a Benjamini, tanthikîrîriani. Ngai-Mûnene ethagîrwa arî vamwe namue rîrîa rîonthe mûrî nake. Mûngîmûcaria mûkaamwona, nwatî mûngîmûtiganîria wanake akaamûtiganîria.

2Maû 26:18

na makîmûgiria avîvia ûbani. Nîmaamwîrire atîrî, “Mûthamaki Uzia, ndwagîrîrwe nî kûrutîra Ngai-Mûnene îgongoona rîa kûvîvia ûbani. Ûcio nî wîra wa athînjîri-Ngai, njiarwa cia Aroni nîûndû nîo amûrîre wîra wa kûvîvia ûbani. Thiî ume vandû ava vatheru, nîûndû nîwavîtia na ûndû ûyû ndûngîkûretere kîrathimo kuuma kûrî Ngai-Mûnene, Ngai.”

Thaburi 18:20

Ngai-Mûnene nîwambîkire maûndû maro nîûndû wa ûthingu wakwa, nîandathimaga nîûndû ndirî na mavîtia.

Thaburi 18:26

We ûrî mwagîrîru kûrî andû arîa agîrîru, nwatî nîûverithagia andû arîa aganu.

Thaburi 50:23

Mûndû ûrîa ûnjokagîria ngatho rîrî îgongoona nîandîîaga, nama, nîngaavonokia andû onthe arîa mambathîkagîra.”

Thaburi 73:20

Mekariî ta kîroto kîrîa kîriganagîra wa rîmwe rîrîa mûndû aramûka; rîrîa we Mwathani waûkîra nîmaûraga.

Thaburi 91:14

Ngai augîte atîrî, “Nîngaavonokia mûndû wa wonthe ûmendete; nîngaagitîra mûndû ûrîa ûmbicî.

Thaburi 91:15

Rîrîa akaambîta nîngaamwîtîka; nîngethîrwa nake arî thînarî; nîngaamûvonokia na ndûme atîîke.

Ntha 28:43

Aroni na avîcî nwanginya mekagîre nguo icio vîndî cionthe rîrîa magûtonya îgemarî rîa Ngai-Mûnene, kana rîrîa magûkuvîvîria metha ya kîgongoona gûtungata vandû varîa vatheru nîguo matigaakue. Ûyû nîûtuîka watho kûrî Aroni na njiarwa ciake irîa igaaûka vuva wake.

Ntha 29:9

na ûmove mîcivi ciûnorî na ûmekîre ngovia ciongo. Ûguo nîguo ûkaamûra Aroni na avîcî ake matuîke athînjîri-Ngai. Nao vamwe na njiarwa ciao nîmakaandungatagîra marî athînjîri-Ngai tene na tene.

Nthi 12:8

Mûndû mûûgî nîakumagua nî andû arîa engî, nwatî mûndû kîrimû nîkwa anyararagwa.

Nthi 4:8

Tua ûûgî kîndû Kîam goro, naguo ûgaatûma ûgîe îgweta; ûkumbatîrie, naguo ûgaatûmaga ûvewe gîtîîo.

Nthi 8:17

Nîmendete arîa mamendete, na arîa manjaragia na kinyi nîmamonaga.

Isaia 29:13

Mwathani aaugire atîrî, “Andû aya mamvecaga gîtîîo na mîromo, nwatî ngoro ciao irî kûraca nanie, gîtîîo kîrîa mamvecaga nî Kîam mawatho marîa mathondeketwe nî andû, na makamathoma.

Jeremia 29:32

Kwoguo nie Ngai-Mûnene nîrauga atî nîngûverithia Shemaia mûvîcî wa Nehelamu vamwe na rûciaro rwake. Gûtirî mûndû wanarî ûmwe wa arîa metanîtue nake ûgatigara arî mwoyo nîguo one maûndû maro marîa ngeka andû akwa, nîûndû ethîrîtwe akîra andû maregane nanie Ngai-Mûnene. Ûguo nîguo nie Ngai-Mûnene nauga.”

Jeremia 49:15

Nie Ngai-Mûnene nîngûgûtua we Edomu, vûrûri mûnini gûkîra mavûrûri marîa mengî, na ûnyararagwe nî andû onthe.

Ezek 34:10

Nie Ngai-Mûnene Ngai nîndeganîte namue. Nîngaamûcuna ng'ondu irîa mûrî nacio na ndigetîkîra mûtuîke arîthi a cio. Mue ene mûtigaacoka kwîguna nacio rîngî. Nîngaaivonokia kuuma kûrî mue nîguo itigatuîke nyama cienyu.

Danieli 4:34

Mîaka mûgwanja yathira, nie mûthamaki Nebukadinezarû nînaroririe îgûrû kûrî Ngai na ngîcokerwa nî ûgima wa meciria na ngîambîrîria kûgooca Ngai ûrîa wî îgûrû mûno; nînaamûkumirie na ngîmûva gîtîîo na riiri, ûcio ûtûûraga tene na tene nîûndû: Nîatûûra athanaga tene na tene naguo wathani wake ûgaakinyagîra njiarwa na njiarwa.

Malaki 1:6

Ngai-Mûnene mwene vinya wonthe arauga atîrî, “Mwana atîîaga îthe, nayo ndungata îgatîîa mwathi wayo. Ethîrwa nie nînie îthe wenyu, nîndûî kîgiragia mûmva gîtîîo? Na ethîrwa nînie mwathi wenyu, nî ndûî kîgiragia mûnîîtigîra? Nwatî mue athînjîri-Ngai mûragia, ‘Tûkûnyararîte atîa?’

Malaki 2:3

Taroria, nîngaaverithia ciana cienyu, na nîûndû wa waganu wenyu, nîmûvake mothiû menyu mai ma nyamû irîa mûrutîte irî îtega kûrî nie. Nîngaacoka nîmwîngate ndige kûmwona.

Ndari 11:20

nwatî nîmûirîa mweri mûgima. Nîmûirîa ciume na maniûrû, na mûtimbwe nîcio nîûndû nîmûreganîte na Ngai-Mûnene ûrîa ûrî vamwe namue. Mwîthîrîtwe mûgîteta mbere yake mûkiugaga wana nîkava mûtangîaumire Misiri.’ ”

Ndari 35:34

Mûtigatûme vûrûri ûrîa mûtûûraga ûgîe gîko kûrîa wananie ndûûraga, nîûndû Nie Ngai-Mûnene ndûûranagia na andû a Isiraeli.”

Johana 12:26

Mûndû wa wonthe ûndungatagîra nwa nginya anûmîrîre nîguo varîa nîrî ndungata yakwa îthagîrwe nîvo îrî wa nayo. Nake Vava agaatîîaga mûndû wa wonthe ûrîa ûndungatagîra.

Johana 5:23

nîguo andû onthe matîîage Mûriû wata ûrîa matîîaga Îthe. Mûndû wa wonthe ûtatîîaga Mûriû, ndatîîaga Îthe ûrîa wamûtûmire.

Johana 5:44

Mue mûcaragia ngumo kuuma kûrî andû arîa engî, nwatî mûtigeragia kûgîa na ngumo kuuma kûrî ûrîa arîke Ngai.

Johana 8:49

Nake Jesû nîwamacokerie atîrî, “Nie ndirî na ngoma. Nie nîmvecaga Vava gîtîîo, nwatî mue mûtimvecaga gîtîîo.

1Akor 4:5

Kwoguo mue mûtiagîrîrwe nî gûtuîra mûndû wana ûmwe kavinda karîa kagîrîru ga gûka kwa Mwathani gatarî gakinyu. Mwathani nîakaarete ûtherirî maûndû monthe marîa mathithîtwe ndumarî na aguûrie maûndû marîa mathithîtwe ngororî. Kwoguo wa mûndû nîakaamûkîra îgai rîrîa rîmwagîrîrîte kuuma kûrî Ngai.

1Pet 1:7

Mworoto wa magerio mama monthe nî kwonania atî wîtîkio wenyu nî wa ma. Wana nginya thaavu îgeragua na mwaki nîguo yonekane kana nî mbaro. Kwoguo wîtîkio wenyu ûrîa wî vata gûkîra thaavu, nwanginya ûgerue nîguo wonekane kana nî wa ma. Namue nîmûgaacoka kûgîa na ûkumio, riiri na gîtîîo vîndî îrîa Jesû Kristû akaaguûrua.

Atir 9:10

Mîtî nîyacokire îkîra mûkûyû atîrî, ‘Ûka arî we nîguo ûtuîke mûthamaki wetû.’