1Sam 2:18 - ÎVUKU RÎA ÛVORO MWARO

¹⁸ Samueli nîwathiîre na mbere gûtungatîra Ngai-Mûnene ekîrîte nguo îrîa yarathimîrîtûe wîra ûcio.

1Sam 2:18 ပူးပေါင်းရင်းမြစ်များ

2Sam 6:14

Nake Daudi nîwainîre Ngai-Mûnene na vinya wake wonthe ekîrîte Efodi.

1Maû 15:27

Daudi nîwekîrîte nguo ndaca yatumîtwe na gîtambaa Kîamro na agekîra efodi ya gîtambaa Kîamro. Aini a nyîmbo na Kenania mûtongoria wao wanao nîmeekîrîte nguo ndaca ciatumîtwe na gîtambaa Kîamro.

Ntha 28:4

Meere matume nguo ya gûkunîkîra kîthûri, efodi, nguo ndaca, kavuti karaca gakinyîte nthûng'warî na kagemetue na ndigi cia marangi ngûrani, kîremba na mûcivi mûraca ûtumîtwe na gîtambaa. Nîmatume nguo icio ntheru cia mûrwanyûkwe Aroni na avîcî, nîguo mandungatagîre marî athînjîri-Ngai.

Alawi 8:7

Musa nîwekîrire Aroni nguo ndaca na akîmûova mûcivi kiunorî na akîmwîkîra kîthiri. Nîwamwîkîrire efodi na akîmûova kîûnûrî na mûcivi wa efodi îo.

1Sam 14:3

(Amwe gatagatîrî ka arûme acio maarî, mûthînjîri-Ngai ûrîa wetagwa Ahija na nîke wakuuîte efodi. Ahija aarî mûvîcî wa Ahitubu; Ahitubu aarî mûrwang'ina na Ikabodi. Ikabodi nake aarî mûvîcî wa Finehasi, Finehasi aarî mûvîcî wa Eli, ûrîa warî mûthînjîri-Ngai wa Ngai-Mûnene kûu Shilo.) Nao arûme acio matiamenya atî Jonathani aarî mûthiîu.

1Sam 2:11

Vuva wa ûguo Elikana nîwacokire gwake mûciî Rama. Nake Samueli nîwatigirwe kûu Shilo agîtungatagîra Ngai-Mûnene akîonagîrîrua nî mûthînjîri-Ngai Eli.

1Sam 2:28

Na nî nie naathuurire andû a mûciî wa Aroni gatagatîrî ka mîvîrîga yonthe ya Isiraeli matuîke athînjîri-Ngai akwa, nîguo mekagîre nguo ntheru vîndî îrîa makwenda kûmbarîria, mathiîcage metharî ya kîgongoona, na mamvîvagîrie ûbani vo. Nie nînaamavere rûtha meigagîre iveo imwe cia irîa ciavothagwa nî Aisiraeli.

1Sam 22:18

Kwoguo mûthamaki nîwerire Doegu atîrî, “Maûrage arî we!” Nake Doegu nîwaûragire athînjîri-Ngai onthe. Mûthenya ûcio, ke nîwaûragire athînjîri-Ngai mîrongo înana na atano arîa meekagîra efodi.

1Sam 3:1

Nake mwanake ûcio wetagwa Samueli nîwathiîre na mbere gûtungatîra Ngai-Mûnene akîonagîrîrua nî Eli. Vîndî îo ndûmîrîri ciumîte kûrî Ngai-Mûnene vamwe na cioneki itiethagîrwa irî nyîngî.