1Sam 2:14 - ÎVUKU RÎA ÛVORO MWARO

¹⁴ Nayo ndungata nîyavutûkagia ûma îo thavuriarî, kana nyûngûrî îrîa ya kûruga, nyama ikîrugwa. Nayo nyama wa yonthe îrîa yamundagwa nî ûma nîyarutagwa na îgatuîka ya mûthînjîri-Ngai. Ûguo nîguo Aisiraeli onthe arîa maathiîcaga kûruta magongoona kûu Shilo meekagwa.

1Sam 2:14 ပူးပေါင်းရင်းမြစ်များ

Isaia 56:11

Mekariî ta ngui ngoroku, irîa itavaaga. Arîthi acio matirî ûmenyo; onthe nîagarûrûku na wa mûndû akethiîra njîra yake ke mwene, wa mûndû acaragia ûrîa akwîguna ke mwene.

Alawi 7:34

Kîthûri Kîam nyamû ya îtega rîa thayû vamwe na Kîamû Kîamyo gîa kûgûrû kwa vuva kwa ûrîo Ngai-Mûnene ke mwene nîairutîte kuuma kûrî andû a Isiraeli na akaivecana kûrîa Aroni, mûthînjîri-Ngai na avîcî ake. Icunjî icio nîcio andû a Isiraeli magîrîrwe nî gûtûûra mamanengagîra.

Mika 3:3

Mûrîcaga nyama cia andû akwa, mûkamaruta rûûo mîrîrî yao, munangaga mavîndî mao, na mûgatinangia nyama ciao tûcunjî tûcunjî ta cia kûrugwa na nyûngû.

Malaki 1:10

Ngai-Mûnene mwene vinya wonthe arauga atîrî, “Narî kethîrwa nwa kwoneke mûndû gatagatîrî kenyu ûngîvinga mîrango ya hekarû, nîguo mûtigakie mwaki wa mana metharî yakwa ya kîgongoona! Nie ndikenagua nîmue na ndikaamûkîra matega menyu;

1Sam 2:13

kana marûmîrîra mîtugo îgiî kîrîa athînjîri-Ngai meetagia kuuma kûrî andû. Vandû va ûguo, o maamenyerete gwîkaga atîrî, vîndî îrîa mûndû wa wonthe akûruta kîgongoona ndungata ya mûthînjîri-Ngai nîyathiîcaga varîa nyama ciarugagîrwa înyitîte ûma ya mîthece îthatû na njara.

1Sam 2:15

Makîria ya ûguo, wana mbere ya mathunya mavîvue, ndungata ya mûthînjîri-Ngai nîîngîathiîcaga na îkeera mûndû ûrîa warutaga kîgongoona atîrî; “Nengera nyama ya mûthînjîri-Ngai akavîvie nîûndû ke ndangîtîkîra îrî nduge kuuma kûrî we, nwanga îrî mbîthî.”

1Sam 2:29

Nîndûî vi kîratûma ûkorokere iveo na magongoona marîa naathire andû akwa mandutagîre? We Eli, nîndûî kîratûma ûtîîe anake aku kûngîra na njîra ya kûmetîkîria menorithagie na iveo irîa mbaro mûno cia irîa ndutagîrwa nî andû akwa, Aisiraeli?