1Sam 2:1 - ÎVUKU RÎA ÛVORO MWARO

¹ Hana nîwavoire na akiuga atîrî, Ngai-Mûnene nîecûrîtie gîkeno ngororî yakwa, nie nîngenete nîûndû wa ûrîa ekîte. Nînthekagîrîra nthû ciakwa, nîrî mûkenu nîûndû Ngai nî amvonoketie!

1Sam 2:1 ပူးပေါင်းရင်းမြစ်များ

2Maû 20:27

Jehoshafati nîwacokire agîtongoria andû onthe a Juda na a Jerusalemu magîcoka Jerusalemu marî na gîkeno, nîûndû Ngai-Mûnene nîwamavotithîtie kûvoota nthû ciao.

Nehemia 11:17

Na kwarî Matania mûvîcî wa Mika, Mika mûvîcî wa Zabudi, Zabudi mûvîcî wa Asafu. Matania nîke warî mûtongoria vîndî ya mavoya ma ngatho. Na kwarî Bakibukia ûrîa warî wa kaîrî gatagatî ka aa mûrwang'ina, na Abida mûvîcî wa Shamua, Shamua aarî mûvîcî wa Galali mûvîcî wa Jeduthuni.

Ayubu 16:15

Nîndumîte nguo cia macakaya ngaaciîkîra, na mbîkarîte rûkûngûrî ndarî na vinya.

Thaburi 118:14

Ngai-Mûnene nîke vinya wakwa na nîke minagîra; nîke ûtuîkîte ûvonokio wakwa.

Thaburi 13:5

Nwatî nîîvokaga vîndî cionthe wendo waku ûtathiraga, nîngaakena nîûndû nîûkaamvonokia.

Thaburi 148:14

Nîatûmîte andû ake magîe na vinya, nîguo andû ake onthe mamûgooce, andû a Isiraeli arîa endete mûno. Kumiani Ngai-Mûnene!

Thaburi 18:2

Ngai-Mûnene nîke ûngitagîra, nîke mûgitîri wakwa ûrîa mûnene. Ngai wakwa nîke ûngitagîra, na varî ke nîmûgitîre. Angitagîra kuuma kûrî nthû ciakwa ta ngo; angitagîra na akambiga nîrî na thayû.

Thaburi 20:5

Nîtûkaaugîrîria tûkenete nîûndû wa ûvootani waku, na tûkîrîrie vendera nîguo tûkumie rîîtwa rîa Ngai wetû. Ngai-Mûnene arokûvingîria maûndû monthe marîa ûmûvoete.

Thaburi 21:2

Nî ûmûvete kîrîa ngoro yake îriragîria, nîûmûvingîrîtie mavoya make.

Thaburi 35:9

Nanie nîngaakena nîûndû wa Ngai-Mûnene; nîngaakena nîûndû nîamvonoketie.

Thaburi 51:15

We Mwathani, mvotithia kwaria, na nîngûgûkumia.

Thaburi 71:8

Ngûkumagia vîndî cionthe, na nganîrîra riiri waku mûthenya wonthe.

Thaburi 75:10

Nîakaathiria andû arîa aganu vinya, nwatî nîakoongerera andû arîa athingu vinya.

Thaburi 89:17

Nîûndû we nîwe vinya wao wa magegania; wendo waku nîguo ûtûmaga mavoote nthû ciao.

Thaburi 89:18

We Ngai-Mûnene, vinya ûrîa ûtûgitagîra nî waku; we Ûrîa Mûtheru wa Isiraeli nîwe ûtûvete mûthamaki wetû.

Thaburi 89:24

Wîvokeku wakwa na wendo wakwa ûtathiraga ûkethagîrwa nake, nîngaatûmaga avootanage vîndî cionthe.

Thaburi 9:14

nîguo ngaarûngama mbere ya andû a Jerusalemu, na nîmere maûndû monthe marîa matûmaga ngûkumie. Nîngaakena nîûndû nîûmvonoketie.

Thaburi 92:10

Nwatî nîûtûmîte ngîe na vinya ta mbogo, na nîûmbîtîrîrîtie maguta ma kûnjanjamûra.

Ntha 15:1

Musa na andû a Isiraeli nîmaainîre Ngai-Mûnene rwîmbo rûrû makiugaga atîrî, Nie nîngwinîra Ngai-Mûnene, nîûndû ke nî agîîte na ûvootani ûrî na riiri, nîwikîtie mbarathi na atwari a cio îriarî.

Ntha 15:21

Nake Miriamu nîwamainîre atîrî: “Inîrani Ngai-Mûnene, nîûndû ke nîagîte na ûvootani ûrî na riiri. Ke nîaikîtie mbarathi na atwari a cio îriarî.”

Habakuku 3:1

Îvoya rîa mûrathi Habakuku, ta ûrîa rîandîkîtwe nî Shigionothi.

Habakuku 3:18

nie ngaakenagîrîra Ngai-Mûnene, ngenagîre Ngai ûrîa ûmvonokagia.

Luka 1:69

Nîatûvete mûvonokia ûrî na vinya, ke nî njiarwa ya Daudi ndungata yake.

Aroma 5:11

Na twa ûguo tu, nwatî nîtûkenete nî Ngai nîûndû na njîra ya Jesû Kristû nîtûtuîkîte arata ake.

Gûco 33:17

Josefu arî vinya ta ndegwa, arî na mvîa ta cia mbogo. Nîagaatindîka andû a mavûrûri nacio, nîakaamatindîka onthe nginya mîthiia ya nthî; Andû a mbarî ya Efiraimu marî na vinya ta ûcio maita ngiri makûmi meengî, nao andû a mbarî ya Manase marî na vinya ta ûcio maita makiri.”

Afil 3:3

Tue nîtue twîthagîrwa tûruîte nama. Tûkumagia Ngai na njîra ya Roho wake na nîtûkenaga ûtûûrorî wetû tûrî ûrûmwe na Kristû na tûtiîvokaga maûndû marîa twîkaga mîîrî yetû.

Afil 4:4

Îkaragani mûkenete mûrî ûrûmwe na Mwathani vîndî cionthe. Na nîngûmwîra rîngî atî mwîkarage mûkenete.

Afil 4:6

Mûtikamakue nî ûndû wana ûrîkû nwatî voyani na mwîtie Ngai kîrîa kîonthe mûrenda na mûcokagie ngatho vîndî cionthe.

1Pet 1:8

Mue mûtianona Kristû, nwatî nîmûmwendete. Mue rîu mûtiramwona, nwatî nîmûmwîtîkîtie. Kwoguo nîmûkenaga gîkeno kînene mûno na gîtangîgweteka na ciugo,

Kûguû 18:20

Mue arîa onthe mûtûûraga îgûrû, kenani! Andû a Ngai, atûmwa na arathi Kenani! Nîûndû Ngai nîarîtuîrîrîte nîûndû wa maûndû marîa rîekire kûrî mue.

1Sam 1:6

Nake Mwîruwe, Penina nîwarakaragia na akathirîkia Hana ngororî, nîûndû Ngai-Mûnene ndaaveete Hana ciana.

1Sam 1:7

Ûguo nîguo gwekîkaga wa mwaka wa mwaka; na vîndî îrîa yonthe maathiîcaga nyombarî ya Ngai-Mûnene, Penina nîwarakaragia Hana mûno. Na nîûndû wa ûguo Hana nîwarîraga nginya akarega kûrîa irio.