1Sam 18:7 - ÎVUKU RÎA ÛVORO MWARO

⁷ Nao magîkûngûîra, aka maainaga magîcokanagîria makiugaga atîrî, “Saûlo nîaûragîte andû ngiri nyîngî nwatî Daudi aûragîte ngiri makûmi meengî.”

1Sam 18:7 ပူးပေါင်းရင်းမြစ်များ

2Sam 18:3

Nwatî andû ake nîmaamwîrire atîrî, “Naarî tûtikûthiî nawe, nîûndû tûngîûra wana kana nuthu îmwe yetû yûragwe, nthû icio cietû itingîona takwa ûcio ûrî ûndû; nwatî we wî vata gûkîra andû ngiri îkûmi etû. Kwoguo nî waro makîria kethîrwa nwa ûtûtûmagîre ûtethio wîkarîte gûkû îtûûrarî.”

2Sam 23:1

Daudi mûvîcî wa Jesse, aarî mûndû watûgîrîtue mûno nî Ngai, na nîke Ngai wa Jakovu aathuurire nîguo atuîke mûthamaki. Daudi nîke watungîre Aisiraeli nyîmbo mbaro mûno cia thaburi. Ino nîcio ciugo cia mûthiia cia Daudi:

2Sam 6:5

Daudi na Aisiraeli onthe nîmaainire makîrûgaga na vinya wao wonthe nîguo makumie Ngai-Mûnene. Vîndî îo nîmaavûraga ngita, mîtûrirû, ndarama na ithaani irîa iringithanagua.

Ntha 15:21

Nake Miriamu nîwamainîre atîrî: “Inîrani Ngai-Mûnene, nîûndû ke nîagîte na ûvootani ûrî na riiri. Ke nîaikîtie mbarathi na atwari a cio îriarî.”

1Sam 21:11

Nacio ndungata cia mûthamaki ûcio nîciamwîrire atîrî, “Kinthî ûyû tî Daudi ûrîa mûthamaki wa vûrûri wa Isiraeli? Ûyû nîke mûndû ûrîa aka maainîre makiugaga atî, ‘Saûlo nîaûragîte andû ngiri nyîngî, nwatî Daudi nîaûragîte andû ngiri makûmi meengî.’ ”

1Sam 21:12

Daudi nîwaigire ciugo icio ngororî yake na agîîtigîra Akishi, mûthamaki wa Gathu mûno.

1Sam 29:5

Kinthî ûyû tî Daudi ûrîa aka maainîre makîrûgarûgaga makiugaga atî, ‘Saûlo nîaûragîte andû ngiri nyîngî, nwatî Daudi nîaûragîte andû ngiri makûmi meengî?’ ”