1Sam 18:25 - ÎVUKU RÎA ÛVORO MWARO

²⁵ nake Saûlo agîciatha ithiî ikeere Daudi atîrî, “Mûthamaki ndarenda rûracio rwa mûviki, tiga ikonde cia ûruu cia arûme îgana rîmwe a Afilisiti, nîguo erîvîrîrie kûrî nthû ciake.” (Ûguo nîguo Saûlo aavangîte nîguo Daudi aûragwe nî Afilisiti.)

1Sam 18:25 ပူးပေါင်းရင်းမြစ်များ

Kîam 29:18

Jakovu nîwendeete Rakeli; kwoguo nîwaugire atîrî, “Nîngûrutîra wîra mîaka mûgwanja nîguo ûmbîtîkîrie mvikie mwarîguo Rakeli.”

Kîam 34:12

Mbîrani kîrîa kîonthe mûkwenda nîmûnengere, na mwîtie îrîvi înene wata ûrîa mûkwenda, nie nîngûmûnengera ethîrwa nîmûkûmbîtîkîria mvikie Dina.”

2Sam 3:14

Nake Daudi, nîwatûmire anjaama kûrî Ishiboshethu mûvîcî wa Saûlo makamwîre atîrî, “Nengera Mikali mûndûmûka wakwa, ûrîa watûmire ndwithie Afilisiti îgana rîmwe nîguo nîmûvikie.”

Josh 5:3

Kwoguo Joshua nîwekire ûrîa Ngai-Mûnene aamwathire, na nîwaruithirie andû a Isiraeli marî vandû vetagwa Gibeathi-haralothu.

1Sam 14:24

Nao andû a Isiraeli nîmaathirirwe nî vinya mûno mûthenya ûcio, nîûndû Saûlo nîwamevîtithîtie mwîvîtwa na akîmeera atîrî, “Mûndû wa wonthe ûrîa ûkaarîa irio ûmûnthî mbere ya gûtuke nie ndarîkîtie gûtooria nthû ciakwa aronyitwa nî kîrumi.” Kwoguo gûtirî mûndû warîre irio mûthenya ûcio wonthe.

1Sam 17:26

Daudi nîwaûririe andû arîa maarî vakuvî nake atîrî, “Mûndû ûrîa ûkaaûraga Mûfilisiti ûyû na athengutîrie Isiraeli gîconoko gîkî-rî, akaavewa ndûî? Mûfilisiti ûyû ûtarî mûruu nîkwa arî ûrîkû ke atî nîguo anyararithie athigari a Ngai ûrîa ûtûûraga mwoyo?”

1Sam 17:36

Nîmbûragîte mînyambû na ngatûnyi, na ûguo nwaguo ngwîka Mûfilisiti ûyû ûtarî mûruu ûrîa ûnyararithîtie athigari a Ngai ûrîa ûtûûraga mwoyo.

1Sam 18:17

Saûlo nîwacokire akîîra Daudi atîrî, “Merabu mwarîwa ûrîa mûkûrû nîke ûyû, Nîngûkûva ke atuîke mûka waku ethîrwa nîûkûndungatîra ta mûthigari mûmîrîru na mwîvokeku na ûrûage mbaara cia Ngai-Mûnene.” (Nîûndû Saûlo eeciragia atî na njîra îno Afilisiti nîmakûûraga Daudi vandû va Saûlo ke mwene aûrage Daudi.)

1Sam 18:24

Nacio ndungata icio cia Saûlo nîciamwîrire ûrîa Daudi aaugire,

1Sam 19:1

Saûlo nîwerire mûvîcî Jonathani vamwe na ndungata ciake cionthe atî nîatuîte kûûraga Daudi. Nwatî Jonathani nîwendeete Daudi mûno.