1Sam 17:7 - ÎVUKU RÎA ÛVORO MWARO

⁷ Mûtî wa îtumû rîake watunguvîte ta mûtî wa macini îrîa îtumaga itambaa cia nguo, nayo cuuma ya kîongo gîa îtumû rîake Kîamrî na ûrito ta wa kilo mûgwanja. Nake ûrîa wamûkuuagîra ngo yake aathiîcaga amûtongoreretie.

1Sam 17:7 ပူးပေါင်းရင်းမြစ်များ

2Sam 21:16

Mûndû ûmwe warî mûnene mûno wetagwa Ishibibenobu, ûrîa wakuuîte îtumû rîa gîcango rîrîa rîarî na ûrito wa kilo ta ithatû na nuthu nîweciririe kûûraga Daudi. Mûndû ûcio eyoveete rûviû rûrû rûcerû kîûnûrî.

2Sam 21:19

Nîkwagîre na mbaara îngî gatagatîrî ka Aisiraeli na Afilisiti kûu Gobu. Elihanani mûvîcî wa Jairi ûrîa waumîte Bethilehemu nîwaûragire Goliathu ûrîa waumîte Gathu. Goliathu aarî na îtumû rîarî na mûtî mûriku ta rûvaû rûrîa rwîthagîrwa rûrî macinirî ya gûtuma nguo.

1Maû 11:23

Nîwaûragire Mûmisiri warî na ûraca wa fiti mûgwanja na nuthu, mûndû warî mûnene. Wana ethîrwa Mûmisiri ûcio nîwanyitîte îtumû înene mûno na njara, Benaia nîwamûtharîkîre na njokoma, akîmûcuuna îtumû rîu rîake na akîmûraga narîo.

1Maû 20:5

Nîkwagîre mbaara rîngî na Afilisiti. Nake Elihanani mûvîcî wa Jairi nîwaûragire Lahimi mûrwang'ina na Goliathu ûrîa warî wa kuuma Gathu. Mûtî wa îtumû rîa Goliathu wegana ta mûtî mûtungu ûrîa wovagîrîrwa ndigi cia gûtuma nguo.

1Sam 17:41

Goliathu nîwathiîre mbere agîkuvîvagîria Daudi atongoreretue nî mûndû ûrîa wamûkuuagîra ngo.