1Sam 17:46 - ÎVUKU RÎA ÛVORO MWARO

⁴⁶ Ûmûnthî Ngai-Mûnene nîakûmva we, ngûvoote na ngûnuke kîongo na njoke mve iconi na nyamû cia kîthaka ciimba cia athigari a Afilisiti irîe, nîguo andû a nthî mamenye atî Isiraeli kwîthagîrwa kûrî na Ngai.

1Sam 17:46 ပူးပေါင်းရင်းမြစ်များ

Kîam 40:19

Mîthenya îthatû îkîthira, mûthamaki nîagaakûruta njeera na akûrengithie kîongo! Agaacoka agûcurie mûtîrî, nacio iconi nîikaarîa nyama cia mwîrî waku.”

2Sam 18:28

Ahimaazi nîwathiîre kûrî mûthamaki na akîmûkethia. Nîwegwîthirie nthî mbere ya mûthamaki na akîmwîra atîrî, “Ngai-Mûnene, Ngai waku arogoocwa, ûrîa ûtûmîte ûvoote andû arîa marakûgomerete we mwathi wakwa!”

2Sam 21:10

Rizipa mwarî wa Aia, ûrîa warî mûndûmûka wa Saûlo wa kwigwa nîwacokire agîtuma kanyomba ka nguo cia macakaya îgûrû rîa îthiga varîa ciimba icio ciarî. Nîwekarire vo kuuma rîrîa maketha maambîrîîrie nginya rîrîa mbura ya mûratho yaringire. Rizipa ndeetîkagîria iconi cia rîerarî ivutie ciimba icio îvinda rîa mûthenya, wana kana ivutue nî nyamû cia kîthaka îvinda rîa ûtukû.

1Atha 8:43

nakûthaitha ûkaamûthikîrîria ûrî îgûrû kûrîa ûtûûraga na ûkaamûvingîria ûrîa agaakûûria, nîguo andû onthe a gûkû nthî makûmenye na makwathîkîre ta ûrîa andû aku a Isiraeli mekaga. Nîmagaacoka mamenye atî nyomba îno ndumîte îtanîtue na rîîtwa rîaku.

1Atha 8:60

Kwoguo andû onthe a gûkû nthî nîmakaamenya atî Ngai-Mûnene wenga nîke Ngai; na gûtirî wîngî take.

2Atha 19:19

Kwoguo we Ngai-Mûnene Ngai wetû, nakûthaitha ûtûvonokie kuuma kûrî andû a Asîria, nîguo andû a mothamaki monthe ma nthî mamenye atî we Ngai-Mûnene tu, nîwe Ngai.”

2Atha 5:15

Nîwacokire marî na ndungata ciake kûrî mûrathi Elisha na akîra Elisha atîrî, “Rîu nînamenya atî gûkû nthî kuonthe gûtirî ngai îngî tiga Ngai wa Isiraeli. Kwoguo nakûthaitha wamûkîre kîveo kuuma kûrî nie.”

Thaburi 31:8

Ndwandekereria kûrî nthû ciakwa, nîûnûngamîtie vandû varî na thayû.

Thaburi 46:10

Augaga atîrî, “Vorerani, na mûmenye atî nînie Ngai, nînie mvetwe gîtîîo mavûrûrirî monthe, nînie ndîîtwe nthî yonthe.”

Ntha 9:16

Nwatî nie nîndûmîte ûtûûre nîguo wone ûvoti wakwa nayo ngumo yakwa îtambe nthî yonthe.

Isaia 37:20

Kwoguo rîu, we Ngai-Mûnene, Ngai wetû, tûvonokie kuuma kûrî Sanakeribu, nîguo mothamaki monthe ma nthî mamenye atî we wenga tu nîwe Ngai-Mûnene.”

Isaia 52:10

Ngai-Mûnene nîonanîtie vinya wake mûtheru kûrî andû a mavûrûri monthe, nayo mîthiia yonthe ya nthî nîîkona ûvonokio wa Ngai wetû.

Isaia 56:9

Mue nyamû cionthe cia kîthaka, mue nyamû cionthe cia mûtitû, ûkani mûcûkangie andû akwa.

Jeremia 19:7

Vandû ava nîvo ngaacûkangîria mîvango yonthe ya andû a Juda na Jerusalemu. Nîngatûma mavootwe nî nthû ciao marî mbaararî na imaûrage. Nîngatûma ciimba ciao irîwe nî iconi na nyamû cia kîthaka.

Jeremia 34:20

Andû acio nîngamarekereria kûrî nthû ciao, na kûrî andû arîa mendaga kûmaûraga. Ciimba ciao nîikaarîwa nî iconi cia rîerarî na nyamû cia kîthaka.

Danieli 2:47

Mûthamaki nîwaugire atîrî, “Nama Ngai waku nî Ngai wa ngai irîa ciîngî, na Mwathani wa athamaki onthe. Nîke ûguûragia maûndû marîa marî nthithorî, nîûndû we nîûvotete gûtaûra nthitho îno.”

Danieli 3:29

“Kwoguo nie nathana atî mûndû wana ûrîkû kuuma iruka cionthe, mavûrûri monthe, wana andû a nthiomi cionthe arîa mangîaria ûndû wa kûmenereria Ngai wa Shadiraka, Mîsheki na Abedinego, agaatemangwa icunjî na nyomba ciao ciomomorangwe; nîûndû gûtirî ngai îngî îngîvota kûvonokania ûguo.”

Mathaayo 24:28

Kûndû kûrîa kuonthe ciimba irî, nîkuo nderi igomanaga.

Gûco 28:26

Ciimba cienyu ikethîrwa irî irio cia iconi na nyamû cia kîthaka na gûtirî mûndû ûgaaciîngata.

Gûco 7:2

Rîrîa Ngai-Mûnene, Ngai wenyu akaamarekereria kûrî mue na mûmavoote, nwanginya mûkaamaûraga onthe mathire. Mûtikarûthe kîrîkanîro nao kana mûmeguîre ntha.

Gûco 7:23

Ngai-Mûnene, Ngai wenyu nîakaarekereria nthû cienyu kûrî mue na atûme magaage nginya mathirue.

Josh 10:8

Nake Ngai-Mûnene nîwerire Joshua atîrî, “Ndûkamakue nîo. Nie nîmûkûveu ûvootani. Gûtirî wana ûmwe wao ûgagwîtirîria.”

Josh 4:24

Kwoguo andû onthe a nthî nwa mamenye ûrîa Ngai-Mûnene arî vinya mûnene, na andû nîmagîrîrwe nî kûmûvecaga gîtîîo vîndî cionthe.”

1Sam 14:6

Nake Jonathani nîwerire mwanake ûcio wamûkuuagîra indo ciake cia mbaara atîrî, “Ûka, tûthiî mûringo ûrîa wîngî kûrîa Afilisiti arîa matarî aruu marî. Ngai-Mûnene avota gûtûtethia; nîûndû gûtirî kîndû kîngîgiria Ngai-Mûnene atûtethie wana ethîrwa tûtirî eengî.”

1Sam 17:44

Mûfilisiti ûcio nîwerire Daudi atîrî, “Nguvîvîria na nînengera iconi cia rîerarî na nyamû cia kîthaka kimba gîaku.”