1Sam 17:43 - ÎVUKU RÎA ÛVORO MWARO

⁴³ Nake Goliathu nîwaûririe Daudi atîrî, “Nie nîkwa nî ngui atî nîûgûka kûrî nie na mûragi?” Nîwarumire Daudi akîgwetaga ngai ciake.

1Sam 17:43 ပူးပေါင်းရင်းမြစ်များ

Kîam 27:29

Andû a ndûrîrî marotuîka ndungata ciaku na makwînamagîrîre. Ûrotuîka wa kwathaga aa mûrwanyûkwe, nao onthe marokwînamagîrîra. Arîa onthe magaakûrumaga maronyitwa nî kîrumi na arîa magaakûrathimaga marorathimagwa!”

2Sam 16:5

Rîrîa mûthamaki Daudi aakinyire Bahurimu, mûndû ûmwe wa mûciî wa Saûlo wetagwa Shimei nîwathiîre gûtûnga Daudi akîmûrumaga. Shimei aarî mûvîcî wa Gera.

2Sam 16:9

Abishai ûrîa ng'ina eetagwa Zeruia nîwerire mûthamaki atîrî, “Mwathi wakwa, ûretîkîra mûndû ûyû wîkariî ta ngui îno nguû akûrume nîkî? Tiga nthiî nîmûtinie kîongo!”

2Sam 3:8

Abineri nîwarakarire mûmo nîûndû wa ûguo aaûrirue nî Ishiboshethu na akîûria Ishiboshethu atîrî, “Ûreciria nwa njukanîrîre Saûlo? Kuuma wa Kîammbîrîrie ndûîre nîrî mwîvokeku kûrî andû wa aguo Saûlo, aa mûrwang'ina, na arata ake na ngakûvonokia kuuma kûrî Daudi; na atî ûmûnthî we nîwanthitanga atî nînjîvîtie na mûndûmûka!

2Sam 9:8

Mefiboshethu nîwenamîrîre mbere yake rîngî na akiuga atîrî, “Mwathi wakwa, nie mbîkariî ta ngui îno nguû! Nîndûî gîgûtûma ûtuîke mwaro ûguo kûrî nie?”

1Atha 20:10

kuuma kûrî Benihadadi yaugaga atîrî, “ngai irombûraga ethîrwa îtûûra rîîrî rîa Samaria nî gûgaatigara wanarî mûthetu ûngîkumbatwa ngundi nî andû onthe arîa manûmîrîrîte. Ngaarîcûkangia viû!”

2Atha 8:13

Hazaeli nîwaûririe Elisha atîrî, “Nie mwathi makwa nîrî û, atî nwa mbîke ûndû ûcio mûnene ûguo?” Nake Elisha nîwacokirie atîrî, “Ngai-Mûnene nîanguûrîrîtie atî nîûgaatuîka mûthamaki wa Sîria.”

Nthi 26:2

Kîrumi gîtagîrîrîte gîtinyitaga mûndû, gîkariî ta nthûngûrûrû îrîa îgûrûkaga îtakûgwa vandû.

Ndari 22:6

Ûka ûnumîre andû aya, nîûndû nî eengî gûtûkîra na marî na vinya gûtûkîra. Twavota kûmavoota na kûmengata nîguo matigatonye vûrûri wetû. Nîmbîcî atî mûndû ûrîa we ûrathimaga nîarathimîkaga na mûndû ûrîa we ûrumaga ekaraga arî mûrume.”

Atir 9:27

Andû a Shekemu nîmaathiîre mîgûndarî yao ya mîthavibu na magîketha thavibu, makîthondeka ndivei na makîgîa na kîrugo. Nîmaacokire magîtonya hekarûrî ya ngai yao, nîmaarîre na makînyua magîcoka makîruma Abimeleki.

1Sam 14:12

Nao arûme a Afilisiti nîmeetire Jonathani marî na mwanake ûcio wamûkuuagîra indo cia mbaara, makîmeera atîrî, “Ta unûkiani mûke gûkû tûrî! Tûrî na kaûndû tûrenda kûmwîra!” Nake Jonathani nîwerire mwanake ûcio atîrî, “Ûka ûnûmîrîre tunûkie, nîûndû Ngai-Mûnene nîatûmîte Afilisiti mavootwe nî Aisiraeli.”

1Sam 24:14

Taroria mûndû ûrîa mûthamaki wa Isiraeli arenda kûraga! Nîûrîkû ûrûmîrîrîtie! Nî ngui îno nguû! Ûrûmîrîrîtie nthuua tu!

1Sam 24:15

Ngai-Mûnene arotuîka mûtuui cira gatagatî gakwa nawe. Nîke ûkaambarîrîria na amvonokie kuuma kûrî we.”