1Sam 17:36 - ÎVUKU RÎA ÛVORO MWARO

³⁶ Nîmbûragîte mînyambû na ngatûnyi, na ûguo nwaguo ngwîka Mûfilisiti ûyû ûtarî mûruu ûrîa ûnyararithîtie athigari a Ngai ûrîa ûtûûraga mwoyo.

1Sam 17:36 ပူးပေါင်းရင်းမြစ်များ

2Maû 32:17

Mûthamaki wa Asîria nîwandîkire maarûa cia kûnyûrûria na gûcambia Ngai-Mûnene, Ngai wa Isiraeli akiugaga atîrî, “Wata ûrîa ngai cia mavûrûri mengî itaavota kûvonokia andû ao kuuma kûrî nie, nwata guo Ngai wa Hezekia atakaavota kûvonokia andû ake kuuma kûrî nie.”

Isaia 10:15

Îthanwa nwa rîtîîre mûndû ûrîa ûrarîtûmîra? Mûcumano nwa wîneneverie mûndû ûrîa ûtinagia naguo? Nîkwa rûthanju rûngîambararia mûndû ûrîa ûrûkagîrîria, kana mûragi ûkîrîrie mûndû ûrîa ûûtûmagîra!”

Isaia 36:15

Mûtikareke Hezekia amûringîrîrie mwîvoke Ngai-Mûnene akiugaga mûtigecirie nama atî, Ngai-Mûnene nîagûtûvonokia na atî îtûûra rîîrî tî rînenganîrwa kûrî mûthamaki wa Asîria.

Isaia 36:18

Îîmenyerereni Hezekia ndakamûvîtithie akîmwîraga, atî Ngai-Mûnene nîagaatûvonokia. Kûrî ngai wanarî îmwe gatagatîrî ka ngai cia mîvuanano cia mavûrûri yanavonokia vûrûri wao kuuma kûrî mûthamaki wa Asîria?

Ezek 28:10

Ûgaakua gîkuû kîrî na nthoni mûno ûrî njararî cia andû ageni. Nie Ngai-Mûnene Ngai nînie mbugîte ûguo.”

Ezek 32:19

Maûrie atîrî: “Mûreciria mûrî aro gûkîra acio engî? Nyûrûrûkani mûgekaranagie na andû arîa mataicî Ngai.

Danieli 5:23

Vandû va ûguo, we nîûreganîte na Ngai-Mûnene wa îgûrû; na indo kuuma hekarûrî yake nîiretetwe kûrî we. We na atongoria aku, aka aku, na aka aku a kwiga mwacoka mwanyuîra ndivei indorî icio, na mwambîrîria gûkumia ngai irîa ciûmbîtwe na thaavu, sîlûva, gîcango, cuuma, mûtî na mathiga; irîa itangîona, ciîgua kana imenya ûndû. Nwatî we nîûregete gûtîîa Ngai ûrîa ûkûvecaga mwoyo na ûrîa ûrûmbûyagia maûndû maku monthe.

Zakaria 12:3

Vîndî îo nîngaatûma Jerusalemu îtuîke ta îthiga rîrito kûrî andû onthe. Arîa makaageria kûrîûkîrîria nîmagaativua nîrîo. Mavûrûri monthe ma nthî nîmakaarîtharîkîra.

Zakaria 2:8

Nîûndû Ngai-Mûnene mwene vinya wonthe ûrîa ûndûmîte nîûndû wa riiri wake augîte ûvoro wîgiî mavûrûri marîa maatavire andû ake atîrî, “Mûndû ûrîa ûmûvutagia nî ritho rîake aikagia Kîamra.

1Sam 14:6

Nake Jonathani nîwerire mwanake ûcio wamûkuuagîra indo ciake cia mbaara atîrî, “Ûka, tûthiî mûringo ûrîa wîngî kûrîa Afilisiti arîa matarî aruu marî. Ngai-Mûnene avota gûtûtethia; nîûndû gûtirî kîndû kîngîgiria Ngai-Mûnene atûtethie wana ethîrwa tûtirî eengî.”

1Sam 17:10

Nake Mûfilisiti ûcio nîwaugire atîrî, “Ûmûnthî nînathithûkîra mbûtû ya mbaara ya Isiraeli. Thuurani mûndû ûmwe nîguo tûrûe nake!”

1Sam 17:26

Daudi nîwaûririe andû arîa maarî vakuvî nake atîrî, “Mûndû ûrîa ûkaaûraga Mûfilisiti ûyû na athengutîrie Isiraeli gîconoko gîkî-rî, akaavewa ndûî? Mûfilisiti ûyû ûtarî mûruu nîkwa arî ûrîkû ke atî nîguo anyararithie athigari a Ngai ûrîa ûtûûraga mwoyo?”

1Sam 17:35

nînîmîrûmagîrîra, ngamîringa na ngavonokia kagondu kau. Na ethîrwa nyamû îo nwa înjokerere, nîmînyitaga mûmero ngamîriva nginya ngamîûraga.

1Sam 17:37

Ngai-Mûnene ûrîa ûmvonokagia kuuma kûrî mînyambû na ngatûnyi, nwake ûkamvonokia kuuma kûrî Mûfilisiti ûyû.” Nake Saûlo nîwerire Daudi atîrî, “Nî waro, thiî na Ngai-Mûnene aroîkara nawe.”

1Sam 18:17

Saûlo nîwacokire akîîra Daudi atîrî, “Merabu mwarîwa ûrîa mûkûrû nîke ûyû, Nîngûkûva ke atuîke mûka waku ethîrwa nîûkûndungatîra ta mûthigari mûmîrîru na mwîvokeku na ûrûage mbaara cia Ngai-Mûnene.” (Nîûndû Saûlo eeciragia atî na njîra îno Afilisiti nîmakûûraga Daudi vandû va Saûlo ke mwene aûrage Daudi.)

1Sam 31:4

Saûlo nîwacokire akîra mwanake ûrîa wamûkuuagîra indo cia mbaara atîrî, “Comora rûviû rwaku na ûmbûrage nîguo Afilisiti aya matetigîrîte Ngai matigaûke kûnthekerera na mambûrage.” Nwatî mwanake ûcio nîwegwire guoya nyîngî mûno na ndangîavotire gwîka ûguo. Kwoguo Saûlo nîwocire rûviû rwake na akîîgwîthia îgûrû rîa ruo.