1Sam 17:34 - ÎVUKU RÎA ÛVORO MWARO

³⁴ Nwatî Daudi nîwerire Saûlo atîrî, “Mwathi wakwa nie ndîthagia ng'ondu cia vava, na rîrîa rîonthe mûnyambû kana ngatûnyi yanyita kagondu kuuma ndîthiarî,

1Sam 17:34 ပူးပေါင်းရင်းမြစ်များ

Kîam 31:39

Ndianakûretera irîa ciaûragwa nî nyamû, nîguo atî wone tî mavîtia makwa. Kîrîa kîonthe kîngîaîyagwa, mûthenya kana ûtukû, wandîvagia cionthe.

2Sam 17:8

We nî wicî atî Daudi na andû ake nî andû marî na vinya na methagîrwa marî aganu ta ngatûnyi îcuunîtwe ciana ciayo. Nake aguo nîwicî maûndû ma mbaara mûno na ndangîtîkîra kûraarania na andû ake.

2Sam 23:20

Benaia mûvîcî wa Jehoiada wa kuuma Kabuzeeli, aarî mûthigari wîngî warî îgweta. Nîwekire ciîko nyîngî cia ûcamba. Imwe ciacio nî ta ino: nîwaûragire athigari aîrî maarî îgweta a Moabu. Vîndî îmwe kwarî na mbaravu, nîwathiîre na agîtonya îrimarî na akîûragîra mûnyambû kuo.

1Maû 11:22

Benaia mûvîcî wa Jehoiada wa kuuma Kabuzeeli aarî mûthigari njamba. Benaia nîwekire maûndû manene mûno. Nîwaûragire athigari aîrî maarî aro mûno a Moabu. Vîndî îmwe, Benaia nîwatonyire îrimarî vîndî îrîa kwîthagîrwa kûrî na mbaravu na nîwaûragire mûnyambû.

Thaburi 143:5

Nîndirikanaga mîthenya ya tene, ngeciragia na vinya maûndû monthe marîa waneka, na ngaririkana maûndû monthe marîa wîkîte.

Ezek 34:12

Wata ûrîa mûrîthi acaragia ng'ondu irîa inyaganîtie, nîguo nie ngaacaria ng'ondu ciakwa na nîivonokie kuuma kûrîa kuonthe inyaganîrîtie mûthenya ûrîa gûkethîrwa kûrî na matu na nduma nene.

Amosi 3:12

Ngai-Mûnene arauga atîrî, “Wata ûrîa mûrîthi atethûraga magûrû maîrî, kana kînuku Kîam gûtû kwa ng'ondu kuuma kanyuarî ka mûnyambû, nwa guo andû a Isiraeli arîa matûûraga Samaria magatethûrwa, arîa rîu mamamagîra itanda mbaro na nguo cia goro.”

Zakaria 11:16

Nînthurîte mûrîthi gûkû vûrûrirî. Mûrîthi ûcio ndamenyagîrîra ng'ondu irîa igûkua, kana irîa ciûrîte, kana ova irîa munîku, kana arîthia irîa irî na vinya. Vandû va ûguo, athînjaga na akarîa nyama cia ng'ondu irîa noru na agaatûranga mavûngû ma cio.

Zakaria 9:7

Nîngamagiria kûrîa nyama irî na nthakame, kana marîa indo irîa irî mûgiro. Andû arîa magaatigara magaatuîka andû a Ngai, na matuîke ta mbarî îmwe ya mûvîrîga wa Juda. Andû a Ekironi nîmagaatuîka ta andû a Jebusi.

Luka 2:8

Nakuo kûu vûrûrirî kwarî na arîthi mekaraga ûtukû mûgima marî nja marangîrîte ng'ondu ciao.

Johana 10:11

“Nie nînie mûrîthi mwaro. Mûrîthi mwaro nîarutaga mwoyo wake nîûndû wa ng'ondu.

Aroma 5:4

nakuo kûmîrîria kûretaga gwîkindîria, nakuo gwîkindîria kûretaga kîîrîgîrîro.

Ahib 11:33

Na njîra ya wîtîkio nîmaarûire na mavûrûri monthe na makîmavoota. Nîmeekire ûrîa kwagîrîrîte na Ngai nîwamavere kîrîa aamerîrîte. Nîwavingire tûnyua twa mînyambû,

Kûguû 13:2

Nyamû îo yonekaga îkariî ta gîtang'a. Nacio ithu ciayo ciekariî ta cia ngatûnyi, na kanyua ka yo gekariî ta ka mûnyambû. Nayo njûnamatu nîyavecanire vinya wayo, gîtî Kîamyo Kîam ûnene, na wathani mûnene wayo kûrî nyamû îo.

Atir 14:6

Roho wa Ngai-Mûnene nîwamûnyûrûrûkîre na vinya wa rîmwe na agîtucanga mûnyambû ûcio tûcunjî ta ûrîa mûndû atucangaga koori ka mbûri. Nwatî ndeera aciari ake ûrîa eekîte.

1Sam 17:15

nwatî Daudi nîwamatigaga na agacoka Bethilehemu kûrîthia ng'ondu cia îthe.

1Sam 17:33

Nake Saûlo nîwacokerie Daudi atîrî, “Naarî, we ndûngîvota kûrûa na Mûfilisiti ûyû nîûndû we wî kavîcî kanini, na mûndû ûyû ethîrîtwe akîrûa mbaara kuuma vîndî îrîa aarî kavîcî kanini.”

1Sam 17:35

nînîmîrûmagîrîra, ngamîringa na ngavonokia kagondu kau. Na ethîrwa nyamû îo nwa înjokerere, nîmînyitaga mûmero ngamîriva nginya ngamîûraga.