1Sam 17:10 - ÎVUKU RÎA ÛVORO MWARO

¹⁰ Nake Mûfilisiti ûcio nîwaugire atîrî, “Ûmûnthî nînathithûkîra mbûtû ya mbaara ya Isiraeli. Thuurani mûndû ûmwe nîguo tûrûe nake!”

1Sam 17:10 ပူးပေါင်းရင်းမြစ်များ

2Sam 21:21

Mûndû ûcio nîwareganire na Aisiraeli, nake Jonathani mûvîcî wa mûrwang'ina wa Daudi ûrîa wetagwa Shama akîmûraga.

2Sam 23:9

Mûndû wa kaîrî gatagatîrî ka andû arîa maarî îgweta aarî Eleazaru mûvîcî wa Dodo. Eleazaru aarî wa mbarî ya Ahohi. Vîndî îmwe Eleazaru marî na Daudi nîmaaruire na Afilisiti arîa maaûnganîte nîguo marue na Aisiraeli. Aisiraeli nîmeetigîre na makîûra,

2Atha 19:4

Nwa kwîthîrwe atî, Ngai-Mûnene Ngai waku nîwegwire maûndû monthe ma kûthekerera Ngai ûrîa ûtûûraga mwoyo marîa mûthamaki wa Asîria aatûmîte ndungata yake. Ngai-Mûnene Ngai waku aroîgua irumi icio na averithie acio marumanîte. Kwoguo voerani andû arîa matigarîte.”

Nehemia 2:19

Nwatî rîrîa Sanibalati Mûhoroni, Tobia Mûamoni, na Mûarabu wetagwa Geshemu megwire ûrîa twavangaga gwîka, nîmaatûthekerere na magîtûnyarara makiugaga atîrî, “Mûreciria mûreka atîa? Nîkwa mûrenda kûregana na mûthamaki?”

Nthi 16:18

Mwîtîîo nî ûtûmaga mûndû acûkange, na mwîyambo ûkaga mbere ya mûndû agwa.

Jeremia 9:23

Ngai-Mûnene arauga atîrî, “Mûndû mûûgî ndakegathe na ûûgî wake, na andû njamba matikegathe nîûndû wa vinya wao, na itonga itikegathe na ûtonga wacio.

Danieli 4:37

Na rîu, nie Mûthamaki Nebukadinezarû, nînîragooca, ngakumia na ngava Mûthamaki wa îgûrû riiri, nîûndû mawîra make monthe nî ma kîvooto, njîra ciake nî cia ma, na nîanyivagia arîa etîi.

1Sam 17:11

Rîrîa Saûlo na andû onthe a Isiraeli meeguire ûrîa Mûfilisiti ûcio aaugire, nîmaamakire na magîîtigîra.

1Sam 17:36

Nîmbûragîte mînyambû na ngatûnyi, na ûguo nwaguo ngwîka Mûfilisiti ûyû ûtarî mûruu ûrîa ûnyararithîtie athigari a Ngai ûrîa ûtûûraga mwoyo.

1Sam 17:45

Daudi nîwerire Goliathu atîrî, “We ûkîte kûrî nie na rûviû rwa njûra, îtumû na îtumû rîa gwikia, nwatî nie nîmbûka kûrî we na rîîtwa rîa Ngai-Mûnene mwene vinya wonthe, na nîke Ngai wa athigari a Isiraeli ûrîa we ûnyararithîtie.