1Sam 16:4 - ÎVUKU RÎA ÛVORO MWARO

⁴ Nake Samueli nîwekire ûrîa Ngai-Mûnene aamwathire na akîthiî Bethilehemu. Atongoria a îtûûra rîu nîmaaûkire kûmûtûnga makinainaga na makîmûria atîrî, “Waûka wî na thayû?”

1Sam 16:4 ပူးပေါင်းရင်းမြစ်များ

Kîam 35:19

Kwoguo Rakeli nîwakwire na akîthikwa mûkîrarî wa njîra ya kûthiî Efiratha na nîyo Bethilehemu.

Kîam 48:7

Nîreka ûguo nîûndû vîndî îrîa naacokaga nyumîte Padani (Mesopotamia), Rakeli nîwakuîrîre vûrûrirî wa Kanaani vakuvî na Efiratha, na nîkîo nîrî na kîeva kîngî ûguo. Nînaamûthikire mûkîrarî wa njîra ya kûthiî Efiratha (na nîyo Bethilehemu.)”

2Sam 6:9

Nake Daudi nîwegwire guoya nîûndû wa Ngai-Mûnene na akiuga atîrî, “Rîu nîngîvota kûthiî na Îthandûkû rîa Ngai-Mûnene gwakwa atîa?”

1Atha 17:18

Mûndûmûka ûcio wa ndigwa nîwerire Elija atîrî, “Mûndû wa Ngai, wambîkire ûguo nîkî? Nîkwa waûkire kûririkania Ngai mevia makwa nîguo mûvîcîwa akue?”

1Atha 2:13

Adonija, ûrîa ng'ina eetagwa Hagithi nîwacokire akîthiî kûrî Bathisheba, ng'ina wa Solomoni. Nake Bathisheba nîwamûûririe atîrî, “Waûka na thayû?” Nake Adonija nîwacokirie atîrî, “Nîrî na thayû.”

2Atha 9:22

Rîrîa Joramu oonire Jehu, nîwamûririe atîrî, “Ûkîte na thayû?” Nake Jehu nîwamûcokerie atîrî “Kûngîthîrwa kwî na thayû atîa rîrîa ûragûri na ûvoi wa ngai cia mîvuanano irîa ciaretirwe nî nyûkwe, Jezebeli ciîngîvîte ûguo?”

Hosea 11:10

Nîmakaanjaria nie Ngai-Mûnene, ûrîa ûrurumaga ta mûnyambû, rîrîa ngaruruma ciana ciakwa ikauma îthûîro igîtetemaga.

Hosea 6:5

Nîkîo nîmathithûkîrîte na njîra ya arathi, nînîmacûkangîtie na ciugo ciakwa, îtuîro rîakwa nî ta riûa rîkîratha.

Luka 2:4

Josefu nîwaumire îtûûrarî rîa Nazarethi vûrûrirî wa Galili na akîthiî îtûûrarî rîa Bethilehemu vûrûrirî wa Judea, kûrîa mûthamaki Daudi aaciarîrwe. Josefu aathire kûu nîûndû aarî wa nyomba na wa mbarî ya Daudi.

Luka 5:8

Nake Simoni Petero ona ûguo, nîwaturîrie Jesû maru na akîmwîra atîrî, “Nthengutîra Mwathani nîûndû nie nîrî mûndû mwîvia!”

Luka 8:37

Nao andû onthe a vûrûri ûcio wa Agadarenesi nîmaathaithire Jesû aume kûu kwao nîûndû o nî meegwire guoya nyîngî. Kwoguo Jesû nîwatwîre gatarûrî na agîcoka kûrîa aaumîte.

1Sam 21:1

Daudi nîwathiîre kûrî Ahimeleku mûthînjîri-Ngai kûu Nobu. Ahimeleku nîwathiîre gûtûnga Daudi akinainaga na akîmûria atîrî, “Nîkwa waûka wî wenga nîkî?”