1Sam 16:13 - ÎVUKU RÎA ÛVORO MWARO

¹³ Samueli nîwocire mûcuva ûrîa warî na maguta ma mîtamaiyû îrîa îciaraga matunda na agîtîrîria Daudi maguta aa mûrwang'ina makîonaga. Naguo roho wa Ngai-Mûnene nîwanyûrûrûkîre Daudi wa rîmwe na agîkara nake kuuma mûthenya ûcio. Nake Samueli nîwacokire Rama.

1Sam 16:13 ပူးပေါင်းရင်းမြစ်များ

2Sam 12:7

Nake mûrathi Nathani nîwerire Daudi atîrî, “We nîwe mûndû ûcio, na Ngai-Mûnene, Ngai wa Isiraeli arauga atîrî, ‘Naagûtuire mûthamaki wa Isiraeli na ngîkûvonokia kuuma kûrî Saûlo.

2Sam 2:4

Nao andû a Heburoni nîmaathiîre Juda na makîthuura Daudi atuîke mûthamaki wa Juda. Rîrîa Daudi aamenyithirue atî andû a Jabeshi îrîa îrî kûu Gileadi nîo maathikire Saûlo,

2Sam 23:1

Daudi mûvîcî wa Jesse, aarî mûndû watûgîrîtue mûno nî Ngai, na nîke Ngai wa Jakovu aathuurire nîguo atuîke mûthamaki. Daudi nîke watungîre Aisiraeli nyîmbo mbaro mûno cia thaburi. Ino nîcio ciugo cia mûthiia cia Daudi:

2Sam 5:3

Kwoguo atongoria onthe a Isiraeli nîmaathiîre kwî mûthamaki kûu Heburoni. Mûthamaki Daudi nîwathondekire kîrîkanîro nao na makîmwîtîrîria maguta nîguo atuîke mûthamaki wa vûrûri wa Isiraeli.

2Atha 9:6

Andû acio oîrî nîmaacokire magîtonya nyomba, na mûrathi ûcio agîtîrîria Jehu maguta kîongorî gîake na akîmwîra atîrî, “Ngai-Mûnene Ngai wa Isiraeli arauga atî, ‘Nagwîtîrîria maguta ûtuîke mûthamaki wa andû akwa a Isiraeli.

1Maû 11:3

Kwoguo athuuri onthe a Isiraeli nîmaathiîre kûrî mûthamaki Daudi kûu Heburoni. Nake Daudi nîwathondekire kîrîkanîro nao arî mbere ya Ngai-Mûnene. Nîmaacokire makîmwamûra na makîmûtua mûthamaki wa Isiraeli kûringana na ûrîa Ngai-Mûnene aarîtie kûvîtûkîra Samueli.

Thaburi 89:20

Nîmonete Daudi ndungata yakwa, nîmwamûrîte na ngamwîtîrîria maguta makwa matheru.

Thaburi 89:21

Vinya wakwa ûkethagîrwa nake vîndî cionthe, ûvoti wakwa ûkaamwîkagîra vinya.

Ndari 11:17

Nîngûnyûrûrûka vo twarie nawe na mboce gîcunjî Kîam roho ûrîa nakûveere nîmave nîguo magûtethagîrîrie gûtongoria andû aya ndûkamatongorie ûrî wenga.

Ndari 27:18

Ngai-Mûnene nîwerire Musa atîrî, “Oca Joshua mûvîcî wa Nuni mûndû ûrî na ûvoti, na ûmwigîrîre njara ûmûthuure.

Johana 3:34

Ûrîa ûtûmîtwe nî Ngai aragia ciugo cia Ngai nîûndû Ngai nîavecaga mûndû Roho atakûthimîrîra.

Ciîko 13:22

Na rîrîa Ngai aamûrutire wathanirî, Ngai nîwathuurire Daudi nîguo atuîke mûthamaki wao. Nake Ngai nîwarutire ûira wîgiî Daudi na akiuga atîrî: ‘Nie nîmonete atî Daudi mûrû wa Jesse nîke mûndû ûrîa ngoro yakwa îthuurîte. Ke nîke ûgwîka maûndû monthe marîa nie ngwenda eke.’

Ahib 1:9

We wendete ûthingu na ûkamena ûndû mûcûku, kwoguo Ngai, na nîke Ngai waku, nîakûthuurîte na agakûva gîtîîo na gîkeno gîkîrîte kîrîa avete arata aku.”

Ahib 11:32

Nie nîmbuga atîa wîngî? Gûtirî na mavinda meganu ma kûgweta ûvoro wa Gideoni, Baraki, Samusoni, Jefitha, Daudi, Samueli na arathi.

Atir 11:29

Roho wa Ngai-Mûnene nîwacokire ûgîtonya kûrî Jefitha, nake nîwaumire kûu akîvîtûkîra Gileadi na Manase na agîcoka Mizipa kûu Gileadi na akîthiî nginya agîkinya Amoni.

Atir 13:25

Naguo Roho wa Ngai-Mûnene nîwambîrîrie kûmwîkîra vinya arî kûrîa mbarî ya Dani yambîte magema gatagatî ka Zora na Eshitaoli.

Atir 14:6

Roho wa Ngai-Mûnene nîwamûnyûrûrûkîre na vinya wa rîmwe na agîtucanga mûnyambû ûcio tûcunjî ta ûrîa mûndû atucangaga koori ka mbûri. Nwatî ndeera aciari ake ûrîa eekîte.

Atir 3:10

Othinieli nîwecûrirwe nî Roho wa Ngai-Mûnene na agîtuîka mûtongoria wa andû a Isiraeli. Nîwathiîre mbaararî na Ngai-Mûnene akîmûvotithia kûvoota mûthamaki Kushani Rishathaimu wa Mesopotamia.

1Sam 1:19

Elikana na andû a mûciî wake nîmaaramûkire kîraûko tene mûthenya ûcio wîngî. Na vuva wa kûgooca Ngai-Mûnene, nîmaacokire kwao mûciî Rama. Nake Elikana nîwamenyanire kîîmwîrî na mûka Hana, na Ngai-Mûnene akîgua mavoya ma Hana.

1Sam 10:1

Nake Samueli nîwocire kanyûngû karî na maguta na agîtîrîria Saûlo maguta mau kîongorî gîake, akîmûmumunya, na akiuga atîrî, “Ngai-Mûnene nîagwîtîrîrîtie maguta nîguo ûtuîke mûthamaki wa andû ake a Isiraeli. We nîûgatongoria andû ake na ûmagitîre kuuma kûrî nthû ciao cionthe. Naguo ûndû ûrîa ûgakwonia nama atî Ngai-Mûnene nîakûthuurîte nîguo ûtuîke mûthamaki wa andû ake nî atî:

1Sam 10:6

Nake Roho wa Ngai-Mûnene agaûka îgûrû rîaku na vinya wa rîmwe na ûgarûrûke ûtuîke mûndû wîngî. Nawe ûkanyitanîria nao na wambîrîrie kwina ugîrîrîtie.

1Sam 11:6

Rîrîa Saûlo eguire ûguo, Roho wa Ngai nîwaûkire na ûkîmûnyita na vinya na akîrakara mûno.

1Sam 16:18

Ûmwe wa ndungata ciake nîwaugire atîrî, “Jesii ûrîa wa îtûûra rîa Bethilehemu arî na mûvîcî wicî kûthaka waro. Ke nî mûndû mûmîrîru na mûthaka, na nî mûthigari mwaro na nî mwaria waro, na Ngai-Mûnene arî vamwe nake.”

1Sam 18:12

Saûlo nîwetigagîra Daudi nîûndû Ngai-Mûnene aarî vamwe na Daudi, nwatî agatiganîria Saûlo.

1Sam 2:35

Na nie nîngethuurîra mûthînjîri-Ngai ûrîa ûkethagîrwa arî mwîvokeku kûrî nie. Ke nîke ûgeekaga maûndû monthe marîa ngaamwîraga kuuma ngororî yakwa wana meciriarî makwa. Nie nîngaatûma agîe na njiarwa, na vingo cionthe nîigaatungatagîra mûthamaki ûrîa nie nthuurîte.