1Sam 16:12 - ÎVUKU RÎA ÛVORO MWARO

¹² Kwoguo Jesii nîwamûtûmanîre na akîretwe. Nake aarî mwanake mûthaka, wîna vinya na aarî na metho maakengaga. Nake Ngai-Mûnene nîwerire Samueli atîrî, “Mûndû nî ûyû. Ûkîra na ûmwîtîrîrie maguta.”

1Sam 16:12 ပူးပေါင်းရင်းမြစ်များ

Kîam 39:6

Potifa nîwarekerie Josefu indo ciake cionthe nîguo arûmbûyanagie nacio. Potifa nîwatigire kûrûmbûyania na indo ciake cionthe tiga irio irîa aarîcaga cionga. Josefu aarî na mwîrî mwaro na aarî mûthaka mûno.

2Sam 23:1

Daudi mûvîcî wa Jesse, aarî mûndû watûgîrîtue mûno nî Ngai, na nîke Ngai wa Jakovu aathuurire nîguo atuîke mûthamaki. Daudi nîke watungîre Aisiraeli nyîmbo mbaro mûno cia thaburi. Ino nîcio ciugo cia mûthiia cia Daudi:

2Sam 7:8

“Kwoguo îra ndungata yakwa Daudi, atî nie Ngai-Mûnene mwene vinya wonthe nîramwîra atîrî, ‘Nie naakûrutire kîthakarî kûrîa warîthagia ng'ondu nîguo ûtuîke mûtongoria wa andû akwa a Isiraeli.

1Atha 1:34

Kûu nîkuo Zadoku na Nathani makaamwîtîrîria maguta atuîke mûthamaki wa Isiraeli. Mûcoke mûvuve karumbeta mûkiugaga atîrî, ‘Mûthamaki Solomoni ûrotûûratûûra!’

Thaburi 2:2

Athamaki a nthî nîmevaragîria, nao atongoria a nthî makathiî ndundu nîguo maregane na Ngai-Mûnene na maregane na mûthamaki ûrîa Ngai-Mûnene athuurîte makiugaga atîrî,

Thaburi 2:6

“Nîmbigîte mûthamaki ûrîa nthurîte, nîmwigîte Zayuni, kîrîmarî gîakwa kîtheru.”

Thaburi 78:70

Nîwathuurire Daudi ndungata yake, aamûrutire wîrarî wa kûrîthia ng'ondu.

Ntha 2:2

Mûndûmûka ûcio nîwaciarire kaana ga kavîcî. Rîrîa oonire ûrîa kaana kau kaarî kathaka, nîwakathithire kavinda ka mîeri îthatû.

Rwîmbo rwa Nyîmbo 5:10

Mwendwa wakwa nî mûthaka na arî vinya, arî ngûrani gatagatî ka arûme ngiri îkûmi.

Maca 4:7

Anake a Zayuni maatherete gûkîra îra, maacerûvîte gûkîra îriia, mîîrî yao yatunîvîte ta ndûngûrû, ûthaka wao wekariî ta mathiga ma goro.

Zakaria 4:14

Nîwacokire akîmbîra atîrî, “Aya nî andû aîrî arîa athuure na magetîrîrua maguta nîguo matungatagîre Mwathani wa nthî yonthe.”

Ciîko 4:27

Nîûndû ûguo nîguo gwekîkire rîrîa Herode, Pontio Pilato, andû a Ndûrîrî na andû a Isiraeli, maatûnganire vamwe îtûûrarî rîîrî rîa Jerusalemu. Nîmaaregire Jesû ndungata yaku ntheru îrîa we watuire Mesaya.

Ciîko 7:20

Vîndî îo nîrîo Musa aaciarirwe. Nake aarî mûthaka mûno. Nîwarererwe mûciî kwa îthe îvindarî rîa mîeri îthatû.

Ahib 11:23

Nîûndû wa wîtîkio aciari a Musa nîmaamûthithire vandû va mîeri îthatû arîkia gûciarwa. Nîmoonire atî ke aarî mwana mûthaka, nao matagwîtigîra nîmaaregire kwathîkîra watho wa mûthamaki.

1Sam 16:18

Ûmwe wa ndungata ciake nîwaugire atîrî, “Jesii ûrîa wa îtûûra rîa Bethilehemu arî na mûvîcî wicî kûthaka waro. Ke nî mûndû mûmîrîru na mûthaka, na nî mûthigari mwaro na nî mwaria waro, na Ngai-Mûnene arî vamwe nake.”

1Sam 17:42

Na rîrîa Goliathu aaroririe na akîona Daudi waro, ke nîwamûnyararire nîûndû Daudi kaarî kavîcî kanini na kathaka.

1Sam 17:55

Rîrîa Saûlo oonire Daudi athiîte kûrûa na Goliathu, ke nîwaûririe Abineri atîrî, “Abineri, kavîcî gaka nî ka û?” Abineri aarî mûnene wa athigari a Saûlo. Nake Abineri nîwamûcokerie atîrî, “Mwathi wakwa nie ndiîcî kavîcî gaka nî ka û.”

1Sam 9:17

Vîndî îrîa Samueli oonire Saûlo, Ngai-Mûnene nîwamwîrire atîrî, “Ûyû nîke mûndûmûrûme ûrîa nie naakwîrire ûvoro wake. Ke nîke ûgaatuîka mûthamaki wa andû akwa.”