1Sam 16:11 - ÎVUKU RÎA ÛVORO MWARO

¹¹ Nake Samueli nîwaûririe Jesse atîrî, “Wî na anake engî?” Nake Jesii nîwacokirie atîrî, “Nîatigarîte wa kîvinga nda, nwatî nîkwa ararîthia ng'ondu.” Nake Samueli nîwerire Jesse atîrî, “Mûtûmanîre agetwe, nîûndû tûtingîkara nthî nginya rîrîa agaakinya ava.”

1Sam 16:11 ပူးပေါင်းရင်းမြစ်များ

2Sam 13:3

Nwatî Amunoni aarî na mûratawe wetagwa Jonadabu mûvîcî wa Shama. Shama aarî mûrwang'ina na Daudi. Nake Jonadabu aarî mûndû mwara mûno.

2Sam 7:8

“Kwoguo îra ndungata yakwa Daudi, atî nie Ngai-Mûnene mwene vinya wonthe nîramwîra atîrî, ‘Nie naakûrutire kîthakarî kûrîa warîthagia ng'ondu nîguo ûtuîke mûtongoria wa andû akwa a Isiraeli.

1Maû 17:7

“Kwoguo îra ndungata yakwa Daudi atî, Nie Ngai-Mûnene mwene vinya wonthe nakûrutire kûrîa warîthagia ng'ondu mîgûndarî na ngîgûtua wa kwatha andû akwa a Isiraeli.

Ntha 3:1

Mûthenya ûmwe Musa akîrîthia ndîthia ya mûthoniwe Jethiro, mûthînjîri-Ngai wa Midiani, nîwavirire mbûri ikîranîrîtie werûrî na igîkinya kîrîmarî gîa Sinai. Kîrîma gîa Sinai Kîamrî kîrîma kîtheru.

1Sam 16:10

Na njîra wata îo, Jesse nîwaretire anake ake mûgwanja kûrî Samueli. Nake Samueli nîwerire Jesse atîrî, “Naarî, gûtirî wanarî ûmwe wa aya ûthuurîtwe nî Ngai-Mûnene.”

1Sam 17:28

Nake Eliabu, mûrwang'ina ûrîa mûkûrû nîweguire Daudi akîaria na andû acio. Nîwarakarirue nî Daudi na akîmûria atîrî, “We ûreka atîa gûkû? Ûtigîre ng'ondu icio itarî nyîngî werûrî irî na û? Nîmbicî ûrîa ûreîgîria na ûûru ûrîa ûrî ngororî yaku! Nîûndû we ûûkîte tu kwona mbaara.”